DILI (Timor Post)—Diretór Asosiasaun HAK Sisto dos Santos, apresia ba Prezidente Repúblika, Dr. Jose Manuel Ramos Horta, ne’ebe mak kritika fali ba deklarasaun polítika ne’ebé mak membru Parlamentu Nasionál (PN) balu ezije, katak Palasiu Prezidente Ai-Tarak laran la’ós fatin ba negosiante ka bazar hodi lori labarik no loke bazar, hamonu dignidade nasaun.
“Ita hanesan sidadaun Timor-oan, ita kongratula ba atuál Prezidente Repúblika, Jose Manuel Ramos Horta, ne’ebé hakonu no kumpre dunik ho nia promesa durante iha tempu kampaña ne’ebe dehan si prezidente ba sidadaun Timor tomak”, Dehan diretór HAK, Sisto dos Santos ba jornalista sira iha nia knaar fatin Faról, Kinta, (30/06).
Tuir diretór ne’e hatete, promete sira mak bainhira sai eleitu PR sai prezidente ba ema hotu, liu-liu prezidente ba ema vulneravel no kiak sira, maibé realidade hatudu katak lori labarik sira loke bazar popular ba nia povu iha nasaun laran, ida ne’e mak dehan promesa ne’e los, hatene ko’alia no aplika.
“Programa sira hanesan ne’e úniku tebes iha mundu, tanba ne’e mak hanesan sidadaun ita tenke orgullu ho ida ne’e. tanba kuaze tinan barak governu falla iha polítika oinsá atu fó prioridade ba lei, hodi nesesita ba povu hotu nia moris” nia dehan.
Liu husi karizma ne’ebe mak hatudu husi PR, realidade Prezidente Repúblika partíkula no manifesta katak sai lider tenke ukun no serbí ba nia povu hotu-hotu, no realidade hatudu duni, lori labarik sira no lori negosiante sira, ne’e orgullu boot ida iha nasaun TL. Nia dehan.
757 total views, 6 views today
