Ita nia Luta Seidauk Hotu

by -66 views

Timor Post (20/11/2020)- Primeiru Ministru no Ministru Interior, Taur Matan Ruak (TMR), hanoin katak ukun aan tiha moris di’ak ona maibé realidade laloos.

Espresaun refere Xefe Governu hasai iha enserementu primeiru asembleia jerál Konsellu Kombatente Libertasaun Nasionál (KKLN), no eis gerrilleiru luta libertasaun ne’e husu ba veteranus ne’ebé sei moris kontinua luta.

“Ita hanoin katak funu hotu buat hotu-hotu rezolve ona maibé realidade laloos. Ita nia luta seidauk hotu, luta se hotu bainhira ita mate, ba sira ne’ebé mak laiha ona ita nia sorin ka mate ona monu tuituir dalan, maibé ita sira sei moris kontinua luta”, afirma Brigadeiru Jenerál Fitun Rua.

Xefe Governu antes ne’e hetan konvite hosi KKLN atu loke serimónia primeiru asembleia KKLN 2020.

Enkuantu objetivu hosi asembleia ne’e atu aprova planu KKLN, estatutu no estrutura munisipál ne’ebé prepara hosi ekipa steering committee.(Jornalista: Jaime Pires)

No More Posts Available.

No more pages to load.