ISC Ladauk Reativa Aula Prezensial

by -74 views
Sebastião Pereira

DILI (Timor Post) — Eskola ensinu superior Institutu Superior Cristal (ISC) sei kontinua hein desizaun governu liuliu Ministériu Ensinu Superior Siénsia no Kultura (MESSK) mak foin reativa aula prezensial.

Reitór ISC, Sebastião Pereira, hatete ISC prepara ona fasilidade ijiene inklui vasinasaun ba dosente no estudante sira, atinji ona porsentu 70 (70%), maibé nafatin hein desizaun governu nian.

Reitór ne’e afirma, preparasaun reativa aula prezensa tuir protokolu Ministériu Saúde no mós iha saúde mundiál ne’e prepara ona ekipamentu informátika aumenta sasán sira ne’ebé modernu ba online ninian ne’e mak ISC prepara ona.

Reitór ISC ne’e afirma liu tan katak, daudaun ne’e ISC prepara mós limpeza fatin seguru no ambiente ne’ebé mós para bele hala’o fasilidade ijiene ninian.

“Ami prepara kedas hanesan fase liman, uza máskara no halo preparasaun ba aula distánsia sosiál nian. Forma 1 metru hanesan ne’e para ema bele tuur depois aula ne’e bele Rolín, tanba estudante ne’e barak”, hatete Sebastião hafoin partisipa serimónia lansamentu ofisial ba avaliasaun institusionál no pragmátiku iha UNITAL, Sesta (23/07).

Tanba ne’e, nia haktuir, online liuhusi papél plataforma ne’ebé bele uza hala’o atividade prosesu aprendizajen, iha Cristal kona-ba vasina ne’e liuhusi lista online automátika kuaze 70% hanesan ne’e mak tuir ona vasina.

“Maibé tuir kritériu Ministériu Ensinu Superior tenke 80% mínimu, ami nian besik atu atinji ona bele la’o, presiza husi Ministériu Ensinu Superior ita kumpre regra, instrumentu ba avaliasaun no aplikasaun tinan ida ne’e lisensiatura enfermajen agora daudauk ne’e entrega ona husu ba aplikasaun institutional estadu ninian halo hotu auto avaliasaun”, dehan nia.

Iha sorin seluk, Retór UNITAL, Florindo pereira, hatete UNITAL prontu tanba tuir instituisaun nasionál ba dala rua ona.

“Depois ba iha gramátiku sira ne’e ami barak mak pasa ona, maibé ami prontu hela ami so prepara laboratóriu sira ne’e para atu suporta atividade sira hotu”, hatutan Florindo.

Reitór UNITAL ne’e hatete, UNITAL pontu ne’e mak hatama kedan departamentu hitu (7) atu bele tuir avaliasaun,

“Fakuldade saúde iha rua, enfermajen ho saúde públika depois iha komunikasaun sosiál iha direitu no direitu jerál iha floresta ho sira ne’e prontu ona”, haktuir Florindo.

Nia afirma liu tan katak, sei tuir protokolu saúde tanba husi Ministériu Saúde hatete tenke vasina ba dala rua mak foin halo atividade, entaun tuir loloos ohin loron ne’e UNITAL komesa ona vasina ba dala rua.

“Tanba iha lansamentu ida ne’e ami tunda ba Segunda feira, Segunda dosente sira ho estudante sira vasina”, Florindo esklarese.

Tanba ne’e, sei iha enkontru realiza ona ba loron Sesta 30 Jullu tinan 2021 konsellu reitór sira sei deside ohin ministériu fó sai ne’e, tanba ne’e reitór sei hamutuk ho nia membru hotu-hotu atu halo reunion mak foin komesa fila fali kolia ida ne’e.

Nia hatete, movimentu iha UNITAL la’o maka’as tanba estudante barak mak selu ona propinas semester uluk ninian atu kompleta dokumentu ne’ebé mak iha ona. (PJ12)

No More Posts Available.

No more pages to load.