Inundasaun Akontese Tanba Governu La Sériu Rezolve Problema Drenajen

by -239 views
Primeiru Vice Diretór Asosiasaun HAK, Filomena B. Dos Reis

(Reportajen Estaziadu Cardenio Alves/Editor Mateus da Cruz)

DILI (Timor Post)-Problema inundasaun ne’ebé sempre akontese liu-liu iha kapitál Dili, tanba governu liu-liu ministériu Relevante  maka la sériu no laiha vontade rezolve problema drenajen no konstrusaun ba ponte sira ne’ebé hetan estragu.

“Governu labele mai ho teoria polítika de’it, maibé tenke hatudu mós prátiku mae de obra ne’ebé konkretu, hodi jere programa sira ne’ebé governu atu halo liu-liu drenajen ka Ponte ne’ebé sempre ameasa ba komunidade sira iha sidade laran, ”Primeiru Vice Diretór Asosiasaun HAK, Filomena B. Dos Reis, hatete iha Edifisiu HAK, Farol Dili, Kuarta, (30/03).

Nia hatete, bainhira problema hirak ne’e husik hela de’it nune’e maka inundasaun sei akontese beibeik no prezudika tebes komunidade sira atu hala’o atividade moris.

Lee Notisia Relevante : Komunidade Dili Seidauk Iha Konxiénsia Soe Lixu Iha Nia Fatin

Nia dehan, iha polítika governu nian deside tiha ona katak sei hadi’a ka reabilita drenajen sira ne’ebé la funsiona, tanba ne’e maka ministériu relevante labele ko’alia de’it maibé tenke tau iha prioridade, tanba inundasaun ne’e la’ós foin maka akontese maibé beibeik de’it bainhira udan monu rai.

Alende halo planu ba programa, ministériu relevante mós tenke espíritu patriótiku hodi sakrifika-an no serve povu, bainhira laiha vontade servisu sei la la’o.

“Liu-liu Ponte Bekusi ho ponte sira seluk ne’ebé iha sidade Dili, governu tenke tau matan másimu, labele halo sidade modelu hanesan tasu ne’ebé bainhira udan boot mota sira husi kintu kantu bele tama hotu mai sidade laran, entaun ida ne’e Mak halo inundasaun nee sempre akontese,” tenik.(Asesu Notísia Seluk Iha Jornál Timor Post/ Asesu You Tube Timor Post)

No More Posts Available.

No more pages to load.