ADVERTISEMENT

CARE Organiza Kompetisaun Fase Liman Durante Fulan Ida

Timor Post - Internasional
  • Share
Diretor CARE International iha Timor-Leste, Peter Goodfellow

Timor Post (15/10/2020)—Loron Mundial Fase-Liman nu’udar loron advokasia global dedikadu ne’ebé atu hasa’e konsiénsia kona-ba importánsia husi liman moos, espesialmente liu husi fase-liman ho sabaun no bé ne’ebé sulin, no hamosu mudansa permanente iha hahalok husi nivel politika to’o asaun ne’ebé lidera husi komunidade.

Tema ba loron fase liman nian iha tinan 2020 mak “ijiene liman ba hotu-hotu”, ida ne’e nu’udar apelu ba asaun atu halo liman moos sai realidade ba hotu-hotu.

Liuhusi komunikadu ba imprensa ne’ebé Timor Post asesu haktuir, atual pandemia COVID-19 foku ba papel krítiku husi liman moos no ida ne’e nu’udar aktu ida atu minimiza moras nia propagasaun. Tema tinan ida ne’e nian fó hanoin ba ita hotu kona-ba nesesidade atu toma asaun imediata kona-ba liman moos iha nivel publiku no privadu atu responde no kontrola pandemia COVID-19. CARE International iha Timor-Leste fiar katak, fase liman tenke sai responsabilidade ema hotu-hotu nian no tanba ida ne’e mak persiza melhora komportamentu iha nivel individu no moos iha komunidade, nune’e aktu ida ne’e sai ábitu no norma ida ba tempu naruk.

CARE International iha Timor-Leste selebra loron mundial fase-liman liu husi kampaña no atividades iha nivel oin-oin, inklui, hahú husi loron 15 fulan Outubru to’o loron 15 fulan Novembru kampaña CARE nian sei inklui kompetisaun fase-liman iha facebook liu husi pájina LAFAEK CARE nian no iha tempu hanesan, CARE nia funsionariu hotu sei halo kompetisaun interna fase-liman nian durante loron 30. Projetu HATUTAN, finansia husi Departementu Agrikultura Estadu Unidus Amérika nian, sei lidera kompetisaun fase-liman hamutuk ho Ministériu Edukasaun, Juventude no Desportu. Kompetisaun ida ne’e sei dezafia estudante sira atu lidera no halo asaun fase-liman iha loron 30 nian laran nu’udar ábitu ida iha sira nia eskola iha Ainaro, Ermera, Liquica no Manatutu.

Projetu responde COVID-19 ne’ebé finansia husi Uniaun Europeia nian sei selebra loron mundial fase-liman iha eventu nivel komunidade liu husi entrega ekipamentu ijiene nian ba komunidade tarjetu iha Munisipiu Viqueque.

 “Hanesan ita hahu dadaun kampaña ida ne’e, hau hakarak konvida CARE nia parseru sira, lider komunitária, manorin no estudante atu hamutuk ho ami iha periudu importante ida ba selebrasaun loron fase-liman nian. Ida ne’e importante tebes atu hanoin katak promosaun ba ijiene labele konsidera deit nu’udar eventu ida, maibe liu-liu nu’udar prosesu adaptivu no ajustamentu ida hodi bele apoiu liu tan mudansa ida sustentavel” hateten Peter Goodfellow, CARE International nia Diretor Paíz nian iha Timor-Leste. (*/cao)

 737 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “CARE Organiza Kompetisaun Fase Liman Durante Fu…” A few seconds ago

Lee Mós :
Prezidente Repúblika Organiza Palestra Kona-ba Mudansa Klimátika

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No