DILI (timorpost.com) — Ministru Defeza (MD), Kontra Almirante, Donaciano C. Gomes, sei partisipa no sai observadór iha reuniaun Ministru Defeza entre nasaun sira ASEAN nian ba dala-17 iha Jakarta, Indonézia hodi ko’alia kona-ba Defeza no Seguransa nian ne’ebé sei hala’o durante loron rua, hahú husi loron 15 to’o 16 Novembru tinan ne’e.
“Ohin Ministru da Defeza, IX Governu Konstitusionál ba Jakarta atu partisipa reuniaun altu nível Ministru da Defeza ASEAN nian ba dala-17, iha ne’ebá pela primeira vés Ministru Defeza Timor-Leste nian hanesan observadór”, Ministru Defeza, Kontra Almirante, Donaciano C. Gomes, informa ba jornalista sira iha salaun VIP, Aeroportu Prezidente Nicolau Lobato, Kumoro, Dili, antes desloka ba Indonézia, Segunda, (13/11/2023.
Ministru Defeza mós sei partisipa no sai observadór enkontru nível altu entre Ministru Defeza ASEAN nian ba dala uluk ne’ebé hanaran ASEAN Plus atu rona no aprende saida mak dinámika polítika iha área seguransa atu Timor-Leste belel kontribui.
Nu’udar nasaun ne’ebé nia Ministru Defeza partisipa iha reuniaun ne’e ba dala uluk, mak Sekretariadu ASEAN nian husu Timor-Leste atu hato’o liafuan ruma liga ho prioridade Governu nian ba polítik esterna mak oinsá Timor-Leste bele aselera adezaun ba ASEAN.
Tanba ne’e partisipasaun Ministru Defeza nian iha reuniaun ne’e mak atu rona no aprende saida mak Timor-Leste bele kontribui ba ASEAN rasik iha aspetu seguransa rejionál nian.(*)
627 total views, 15 views today
Bele hare Video Seluk :
Subscribe to Timorpost
