Dili (timorpost.com)—Primeiru Ministru Kay Rala Xanana Gusmão hala’o viajen too ona sidade Hangzhou Repúblika Popular Xina.
“Primeiru Ministru Xanana viajen hosi Singapura ho aviaun Xianmen Airlines-MF874 too Aeroportu Internasionál Hangzhou Xiaoshan iha oras 19:35 kalan no kontinua kedas ba fatin boas-vindas hodi simu ai-funan fresku hosi estudante sira akompaña direita hosi Ministru Transporte Xina, Li Xioa Peng, Vice Governador Provinsia Zhejiang, Li Yanyi no Embaixadora foun Xina ba Timor-Leste, Wang Wenli akompaña mós hosi Embaixadór Timor-Leste ba Xina, Abrão Santos, no Xefe Delegasaun Timor-Leste ba ASIAN GAMES, Mateus da Cruz ho ekipa kontinua simu ho formatura parade militár no estudante hodi hananu muzika bem-vindo no dansa tradisionál Xina nian”. Informasaun refere Timor post sita husi media Gabinete Primeiru Ministru, Sesta (22/09/2023).
Hosi Aeroportu ekipa kontinua dezloka kedas ba Otél Sofitel ne’ebé prepara ona, no kontinua enkontru kedas ho Embaixadór Timor-Leste ba Xina, Abrão Santos hodi atualiza agenda partisipa abertura eventu ASIAN Games 2023 ba dala-19 no diskute mós agenda prinsipál reuniaun bilaterál, Xefe Governu Xanana ho delegasaun membru governu ho Prezidente Repúblika Popular Xina, Xi Jimping ho membru governu iha loron 23 Setembru 2023.
Vizita ne’e, akompaña direita hosi Vise-Primeiru-Ministru, Ministru Koordenadór Asuntus Ekonómiku no Ministru Turizmu no Ambiente, Francisco Kalbuadi Lay, Ministru Administrasaun Estatál, Tomás do Rosario Cabral, Ministru Planeamentu Investimentu Estratéjiku, Gastão de Sousa no Eis membru Governu, Asesór Prinsipál, Ministériu Planu Investimentu Estratéjiku, Julio Tomas Pinto.
Hangzhou nu’udar sidade ida hosi Provínsia Zheuhiang ne’ebé Prezidente Ji Ximping deside hodi hala’o eventu ASIAN Games 2023 ba dala-19, tanba sidade ne’e nu’udar provínsia istóriku Xina hahú ninia prosesu dezenvolvimentu infraestrutura no ekonomia forte mai too ohin loron.
1,182 total views, 9 views today
Bele hare Video Seluk :
Subscribe to Timorpost
