DILI (timorpost.com)—Prezidente Repúblika José Ramos Horta ho delegasaun, Tersa (30/05/2023) arranka ho aviaun Aero Dili ba vizita estadu iha Korea Súl no Singapura.
Iha Korea Súl Xefe Estadu vizita dahuluk Jeju nu’udar illa boot liu iha nasaun ne’e. Provínsia ne’e nia estatutu autonomia.
Iha Jeju Xefe Estadu sei hasoru malu ho Governadór Jeju no sai oradór iha forum internasionál ko’alia kona-ba vizaun kooperasaun Indo-Pasífiku ba pás no prosperidade. No halo diskursu iha serimónia abertura Keynote.
Husi Jeju ba fali Kapitál Seoul, Xefe Estadu hasoru malu ho Prezidente Korea Súl. Nune’e mós reuniaun ho Reitór Universidade Sehan. Hasoru malu mós ho Kompañia boot iha Korea liga ho investimentu mina iha Timor Leste.
Hafoin ne’e Xefe Estadu kontinua hala’o vizita ba Singapura. Iha nasaun ne’ebé koñesidu nasaun dezenvolvidu ne’e, Xefe Estadu sei hasoru malu Prezidente Singapura, Haliman Yacoob, no hasoru mós Ministru Defeza rai ne’e nian.
Nune’e mós Xefe Estadu sei iha mós reuniaun ho Alta Komisária Britânika, Ministra Ásia Pasífiku. Hafoin ne’e Xefe Estadu mós reuniaun ho Embaixadór Singapura ba Timor Leste, Rubin Hu.
Prezidente Repúblika sei fila hikas ba Timor Leste iha loron 5 Juñu 2023 ho aviaun Aero Dili.
Durante Prezidente Repúblika auzénsia iha rai laran, Prezidente Parlamentu Nasionál Aniceto Guterres maka assume kna’ar nu’udar Prezidente Repúblika Interinu.
1,536 total views, 3 views today
Bele hare Video Seluk :