KAMBÓDIA, 05 MAIU 2023- Lider Istóriku no Pessoa Eminensia g7+, Kay Rala Xanana Gusmã akompaña hosi Embaixadór Timor-Leste ba Kambódia, Hermenegildo Lopez “Kupa” no Embaixadór Roberto Soares hala’o vizita ba monumentu istóriku (win-win) Kambodia.
Monumentu istóriku ne’e hahú kontrusaun iha loron 31 Dezembru 2018 no loke ofisial ba públiku nu’udar sitiu istória no turistiku iha loron 25 Fevereiru 2016 too agora.
Monumentu ne’e naruk ka aas metru 54 konstrui ho materiál marble concret arkiva dokumentu istoriku hotu- hotu kona-ba prosesu funu ne’ebé lidera hosi Lideransa atuál Primeiru Ministru Kambódia hamutuk ho jeneral too soldadu militar sira hala’o luta too hetan independensia.
Monumentu win win ka monumentu ba dame ne’e lokaliza iha área Chroy Changvar, kuaze 20 kilumetru hosi parte norte sidade Phnom Penh no monumentu ne’e sai nu’udar fatin istóriku ka muzeu no turizmu ba Kambodia oan sira atu aprende istória rezistensia Kambodia nian.
Iha área jardin nian oin, harii rin bandeira nasaun membru ASEAN no iha jardin oin harii estatua lider no soldadu sira ne’ebé uluk luta hamutuk ho atuál Primeiru Ministru Kambodia, Samdach Techo Hun Sen.
Durante vizita, Xanana rona direita ekipa hala’o intrudusaun istória importante no dokumentu hirak ne’ebé sai arkuivu no importante iha luta.
Hafoin vizita, Xanana hakerek mensajen importante hodi bolu atensaun ba nasaun Membru g7+ kompostu Afganistaun, Burundi, Repúblika Sentral Afrika, Kongo, Guneia Bissau, Haiti, Liberia, Papua Nova Guinea, Sierra Leon, Somalia, São Tome Principe, Ilha Solomon, Sudaun Súl, Tonho, Yemen no Timor-Leste atu haklaken nafatin dalan ba dame hodi fó susesu ba nasaun idak-idak.
“Momentu espesiál tebes mai ha’u ne’ebé horealistiku teb-tebes hodi kompriende kona-ba susesus ba harii dame liu hosi lia loos no inkluzaun. Nu’udar Timoroan no mós membru ba g7+ ha’u iha dever tomak atu hato’o ba nasaun post konflitu sira hotu atu halo tuir lisaun istóriku ida ne’e ho konfiansa, korajen no determinasaun,” dehan Xanana.
Xanana konsidera vizita ne’e importante hodi haree istória luta povu no lider Kambodia nian sai lisaun ba istória Timor-Leste no ba nasaun seluk.
“Agradese wain tebes, ba oportunidade hodi simu aprezentasaun (konta istoria), ne’ebé furak tebes kona-ba Kambódia nia istoria ne’ebé hato’o. Ha’u sei rai metin iha ha’u nia fuan no sei transmite ba nasaun amigu sira hotu, ne’ebé mós mehi hela ba harii dame nu’udar kondisaun ba sira nia futuru dezenvolvimentu umanu. Obrigado barak, hosi ha’u nia fuan tomak, loron 05 Maiu 2023,” haktuir Xanana iha mensajen ne’ebé hakere iha livru vizita ne’e.
Entretantu, vizita Xanana akompaña hosi Embaixador Roberto Soares ba Kambódia too Aeroportu Internasionál Phonm Penh iha oras :17:20 loron kinta 04 Maiu 2023, simu direita hosi Embaixadór Timor-Leste ba Kambódia, Hermenegildo Lopez “Kupa”, Konsilleira Embaixada Timor-Leste ba Reinu Kambódia, Josefina Tilman, Primeira Sekretaria Embaixada Timor-Leste ba Reinu Kambódia, Elisa Mesquita akompaña hosi delegasaun Komite Olimpiku Nasionál Timor-Leste (CONTL), Mateus da Cruz no delegasaun(remata).
7,574 total views, 3 views today
Bele hare Video Seluk :