DILI—Governu liuhosi Sekretáriu Estado ba Formasaun Profisionál no Empregu (SEFOPE) nafatin fó aprosimasaun ba traballadór Timoroan sira ne’ebé mak ilegál hosi sistema iha rai li’ur.
Diretór Interinu SEFOPE, Jacinto Barros, hatete, ba traballadór Timoroan sira ne’ebé mak sai ona ka konsidera hanesan ilegál sistema, Governu Timor-Leste nafatin fó aprosimasaun.
“Kona-ba ilegál ne’e Governu Timor-Leste liuhusi ita nia Embaixadór iha Korea no mós Austrália halo nafatin aprosimasaun ba ita nia traballadór sira atu bele kumpre regra, ba sira ne’ebé legál ona tenke voluntariamente fila mai Timor-Leste,” nia dehan ba Jornalista sira iha Otél Timor Lodge, Sesta (24/03).
Enkuantu, ba sira ne’ebé mak la fila mai Timor, bainhira imigrasaun kaer kona, sira tenke hetan denda depois deporta mai Timor-Leste no sira sei la fila ba serbisu iha ema nia rain ona.
Aleinde ne’e, kona-ba sira ne’ebé mak serbisu iha Australia Timor-Leste nia dadus ilegál ne’e, agora besik tama ona 400 ne’ebé 300 liu ona, tanba ne’e iha Australia mós besik 100, nune’e Governu buka para sira tenke kumpre, tanba ida ne’e atu labele taka dalan ba Timoroan ne’ebé hakarak ba serbisu iha rai li’ur.
Husi ne’e husu ba família no kolega sira hotu para tulun sira ne’ebé la tuir ona regra signifika ilegál ona tenke fila, atu nune’e ema bele fó fiar nafatin ba Governu Timor hodi haruka tan traballadór Timoroan ne’ebé mak hakarak ba serbisu iha rai li’ur.
“Entre 400 ne’e kuaze 50 voluntáriu fila ona mai Timor, tanba husi Dezembru mai to’o fulan Marsu ne’e barak fila ona mai Timor,” nia hateten.
Nia subliña, kona-ba regulamentu ba traballadór sira ne’e, sei ema nia regulamentu rigorozu todan, maibé maluk sira hatete bei-beik ona, dala ruma Timoroan seidauk serbisu mak Governu buka serbisu.
“Antes sira ba ita fó semana ida sira tuir preliminari Training kona-ba esplika ema nia regulamentu, dixiplina serbisu, ne’e hanorin semana ida, maibé ba to’o iha ne’ebá, balu ladún toman ho serbisu todan no hanoin família sira no serbisu la tuir ona nia regra ne’e mak taka dalan ba Timoroan sira seluk,” nia hakotu.
1,261 total views, 3 views today
