ADVERTISEMENT

Horta-Halimah Ko’alia Asuntu ASEAN no Kooperasaun

Mario da Costa - Internasional
Jornalista : Komunikadu Imprensa
  • Share
Prezidente Repúblika, José Ramos Horta, ko'alia hela ho Prezidente Singapura, Halimah Yacoob, Imajen Esp.

Díli (timorpost.com) – Prezidente Repúlika, José Ramos Horta, Kinta (08/12), hasoru malu ho Nia Homólogu husi Singapura, Halimah Yacoob no Primeiru Ministru Singapura, Lee Hsien Loong, iha Palásiu Orchard Rd.

Tuir komunikadu ne’ebé Timor Post Online, asesu Sesta (09/12), katak hasoru malu ho Prezidente Repúblika, Halimah, nu’udár fígura konsensuál no koñesida hanesan advogada ne’ebé sempre luta ba direitu traballadór.

ADVERTISEMENT
SCROLL FILA BA NOTISIA


“Halimah nu’udár mós feto prmeiru no mulsumana ida sai Prezidente Repúblika, Nia (Halimah) hato’o polítika Singapura nian, no kontinua hasoru malu ho Primeiru Ministru Lee Hsien Loong nu’udár oan mane husi Lee Kuan Yew,” katak Horta.

Tuir Xefe Estadu, relasaun bilateral entre Timor-Leste no ASEAN metin no promete atu aposta nafatin iha formasaun rekursu umanu no mós investimentu.

“Timor-Leste no Singapura, iha relasaun ne’ebé metin iha tinan hirak ne’e, rai ki’ik liu Timor, maibé sira hakarak apoiu ita tama ASEAN, nune’e sira hakarak apoia liután iha area formasaun no hakarak haree investimentu bo’ot liu iha Timor-Leste. Ida ne’e mak objetivu viájem mai Singapura, hodi ko’alia kona-ba adezaun bá ASEAN no aumenta kooperasaun iha área formasaun no investimentu tanba ekonomia atu la’o di’ak presiza iha investimentu ne’ebé barak,’’ Informa Horta.

Lee Mós :
Kambodia Pozitivu Apoiu Timor-Leste Sai Membru ba ASEAN

José Ramos Horta, fó hanoin fali katak, Singapura hala’o operasaun missaun ba pás ONU dahuluk iha Timor-Leste iha tinan 1999, maibé Timor-Leste laiha kooperasaun iha area seguransa ho Singapura, maski iha kooperasaun solida ho Amérika, Nova Zelándia, Austrália no Portugál.

Xefe Estadu prefere atu kria kooperasaun iha area seguransa no defeza liuliu iha matéria servisu sekreta (Intelijénsia) hodi kombate krime organizadu, fase osan (money laundry) no droga, tanba Singapura experiénsia makaas iha área ne’e no mós apoia Timor-Leste iha área formasaun diplomátika, hodi reforsa adezaun Timor-Leste ba ASEAN.

Kooperasaun iha setór seluk ne’ebé Xefe Estadu konsidera importante mak, funsionamentu administrasaun públika, tanba Singapura okupa pozisaun dalima iha mundu, nasaun ne’ebé funsaun públika di’ak liu.

Lee Mós :
Sekjer FFTL "Lekar" Fallansu CONTL iha Sea Games

Xefe Estadu mós relata ba nia Homólogu no Xefe Governu husi Singapura kona-ba progressu husi situasaun ekonómika, dezenvolvimentu Greater Sun Rise no situasaun trankuilidade iha Timor-Leste tanba laiha ameasa, violensia polítika, relijiaun, diskriminasaun étnika.

‘’Konforme ita rona husi CEO Woodsite nian, problema uluk hanesan obstákulu ba pipe line mai Timor, agora la ko’alia, ne’e la’ós ona problema. Problema de’it mak finansiamentu, ne’e Timor bele mobiliza atu investe iha Greater Sun Rise, Ne’e hanesan ha’u esplika jerálmente nu’udár porta-vóz Estadu nian, sira (singapura) interesadu los ho ida ne’e, emprezáriu sira husi singapura hakarak partisipa,’’ tenik Ramos-Horta.

Ba Oin, Horta promete atu kontinua dezafia Governu no Trade Invest Timor-Leste, atu promove Timor-Leste tanba iha koolaborasaun di’ak entre Líder sira no iha estabilidade polítika.

Hafoin vizita estadu ba Palásiu, Xefe Estadu mós hato’o palestra iha Marina Bay Sands Expo & Convention Center hodi hato’o konabá Timor Leste nia experiénsia iha rezolusaun konflitu, rekonsiliasaun, demokrasia no integrasaun iha Rejionál.

Lee Mós :
Editoriál; Naktuka, Susar Separa Falsu No Loos

“Ha’u halo aprezentasaun Istória Timor nian, iha tempu luta ba independénsia hahu iha 1975-1999, inklui prossesu rekonsiliasaun no oinsa lidera luta husi husi Maun Bo’ot Xanana, nia ho nia autoriedade moral , nia mak lidera prossesu rekonsiliasaun, ne’e sinál diak. Iha Rai barak ha’u sempre dehan, Timor sai modelu rekonsiliasaun ne’ebé la iha odiu malu tanba Timor-Leste ho Indonésia la iha odi naruk, simu malu. Rai barak difisil tebes simu malu iha tempu badak hafoin ukun-rasik-án,’’ dehan Horta.

Remata palestra, Xefe Estadu hamutuk ho delegasaun, kontinua fila ba Istana hodi partisipa iha jantar Estadu ne’ebé oferese husi Xefe Estadu Singapura.

Maibé antes vizita ofisiál ba Palásiu, Prezidente Repúblika, hala’o uluk atividade kuda ai-funan iha jardím Botanic husi Singapura nu’udár kultura husi alta entidade ruma husi nasaun seluk mai Singapura.

 2,144 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Horta-Halimah Ko’alia Asuntu ASEAN no Koo…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No