ADVERTISEMENT

Prezidente Repúblika ho Investidór Estranjeiru Diskute Oportunidade Investimentu iha Timor-Leste

Mario da Costa - Internasional
Jornalista : Komunikadu Imprensa
  • Share
Prezidente Repúblika, José Ramos Horta, ko'alia hela ho Emprezáriu Estranjeiru sira iha Singapura, Imajen Esp.

Díli (timorpost.com) – Prezidente Repúblika, José Ramos Horta, Kuarta (07/12), hasoru grupu emprezariál rua husi Kuwait no Estadus Unidus Amérika, hodi ko’alia kona-ba oportunidade investimentu iha Timor-Leste.

Tuir Komunikadu Imprensa ne’ebé Timor Post Online, asesu Kinta (08/12), katak Investidór sira hakarak haree oinsá sira bele kontribui bá finansiamentu projetu infrastutura iha Timor-Leste.

ADVERTISEMENT
SCROLL FILA BA NOTISIA


“Grupu bo’ot ida, sira bele finansia diretamente ou bele mobiliza investedór seluk, inklui banku singnifika impréstimu, no tuir sira esplika funan sei kama’an, menus %3, laiha limite’’, haktuir Xefe Estadu, hafoin enkontru informál ne’ebé hala’o iha Embaixada Timor-Leste iha Singapura.

Nia dehan, empreza hirak ne’e bele finansia Greater Sun Rise to’o billaun 12 no prefere halo mós investimentu iha area infraestrutura.

“Sira mós hakarak iha atividade investimentu barak liu, tanba sira iha investimentu iha Áfrika no alende ida ne’e, sira mós bele halo planu ba Timor-Leste kona-ba Aeroportu, Estrada, óspital, no uma ba kbi’it laek sira rihun ba rihun tuir negosiasaun ruma karik Governu interesadu bele hasoru sira, hodi prepara planu investimentu ida ne’e,’’ esplika Horta.

Lee Mós :
Prezidente Repúblika Realiza Diálogu ho Lider Komunitáriu

Empreza husi Kwait, Al-Bader International Development Co.W.L.L, disponivel atu ko’alia ho Governu hodi harii uma ba sidadaun vulnerável, husi dezeñu, proposta orsamental no tuir padraun ne’ebé sira aplika ona iha rai barak.

“Sei la gratuita tanba halo konforme akordu entre investor ho Governu. Alende ida ne’e, xefe ekipa delegasaun husi empreza Al-Bader, Yousef A. Albader, deklara mós katak sira prontu atu investe iha area turízmu,” salienta Xefe Estadu.

Prezidente Repúblika mós aproveita biban hodi hasoru malu ho Open Society-Asia Pacific, kona-ba planu investmentu ne’ebé antes ne’e Xefe Estadu ko’alia ona ho nia Fundadór George Soros, Nu’udár billionáriu Amerikanu.

‘’Grupu ne’e ema billionáriu Amerikanu ida nian, ha’u enkontru ona ho sira iha Díli no dala-ida iha Nova Iorké, no ha’u husu ba sira ajuda halo revizaun ba Planu Estratéjiku Dezenvolvimentu Nasionál (PEDN) 2011-2030, tanbá hahú planu PEDN no iha implementasaun 2011, tinan 10 liu ona, atu haree saida mak halo di’ák, saida mak iha fallansu iha planu ne’e no tanba ekonomia mundiál ne’e troka an ba mai, se aspetu planu balun ita mantém ou bele halo alterasaun no adaptasaun konforme situasaun rejionál no mundiál’’, nia hateten.

Lee Mós :
BRANDITALL Husi Austrália Hatama Uniforme Traballadór Mai Iha TL

Ba Xefe Estadu, revizaun ba PEDN presiza duni, hodi adapta tuir nesesidade industrial ne’ebé hanaran intelijénsia artifisiál teknólojia dijitalizasaun.

Prezidente Repúblika mós husu atu ekipa avaliadór kontinua halo revizaun ba PEDN no bainhira remata bele halo diskusaun hamutuk entre revizaun husi Grupu Open Society no parte Governu mós presiza halo klean.

“Open Sosiety hahú servisu ona iha fulan sira ne’e nia laran, no inisiu tinan 2023, bele entrega ona ba Prezidente Repúblika, sira-nia estudu no proposta estratejia ba Timor-Leste’,’ Subliña Horta.

Lee Mós :
Xanana Dezloka Urjente, Atende Asuntu Segredu Ida

Antes ne’e, Prezidente Repúblika, hala’o uluk entrevista ida ho Rádiu ida husi Melborne (Australia ) kona-ba saudoza Jill Jollife, ne’ebé mate iha semana kotuk.

Horta koñese Jill Jolliffe, hanesan sindikalista Australiana to’o sai nu’udár jornalísta koñesida iha Austrália tanba sempre públika no hakerek kona-ba luta povu Timor-Leste ba ukun-rasik-án, ne’ebé hahú husi akontesimentu Balibó Five to’o funu remata.

“Nia mai Timor iha tinan 1975, mai nu’udár elementu delegasaun sindikalista Australianu nian no bainhira iha ha’u-nia vizita solidariedade iha Jullu 1974, no liután tinan ne’e hakerek ona notísia kona-ba Timor”, rekorda Xefe Estadu.

Akompaña Xefe Estadu iha enkontru ne’e, , Membru Governu Joaquim Amaral, Assesór Helder Lopes, embaixadora Maria Carrascalão, Prezidente Trad Investiment, Arcanjo Leite.

 2,653 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Prezidente Repúblika ho Investidór Estranjeiru …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No