ADVERTISEMENT

Prezidente Horta Husu Ekipa George Soros Apoiu Média Privadu

Mario da Costa - Internasional
Reportajen : Mariano Abi
Editor : Mário da Costa
  • Share
Prezidente Repúblika José Ramos Horta, Imajen TP/Mariano Abi.

DILI (timorpost.com) — Relasiona ho foin daudauk Xefe estadu ba partisipa asembleia jerál ONU ba dala 77 iha Nova Iorke Estadus Unidus Amérika, Prezidente Repúblika (PR), José Ramos-Horta konsege hasoru Billionáriu Amerikanu, George Soros no husu atu apoiu Feto Iha Negósiu Timor, no média liuliu média privadu.

Nia hatete, ko’alia ona ho ekipa George Soros nian, no mós ko’alia ho entidade Nasoins Unidas sira seluk, kona-ba ekipa George Soros nian, sira sei haree tanba sira-nia tradisaun, sira-nia polítika uluk kedas mak ne’e apoiu Free Média no Demokrasia.

“Iha ne’e ha’u husu favór tau atensaun ba Timor-Leste, alende tanba ha’u hatete ba sira dehan ami-nia Demokrasia la’o di’ak loos, nune’e la presiza atu apoiu ba Timor nia Demokrasia. Só ami-nia média mak Free loos, entaun lalika halo Workshop no Formasaun ba Jornalista sira, tanba sira formasaun ne’e barak loos ona iha tinan sira nia laran ne’e,” PR Horta dehan hafoin fila husi Nova Iorke Estadus Unidus Amérika, iha Salaun VIP Aeroportu Internasionál Nicolau Lobato Komoro, Kinta (29/09).

Horta haktuir, problema média privadu sira iha Timor-Leste nian ba Billionáriu ne’e katak, sira-nia presiza mak ekipamentu, portantu di’ak liu ba média independente Timor nian ne’e, favór fó de’it osan ruma para sira bele funsiona loloos, husi ne’e Horta sei kontinua iha eziste para haree ida ne’e.

Lee Mós:
Konfirmadu! Governu Nova Zelândia Oferese Aviaun Evakua Timoroan 17 iha Wuhan

No la’ós agora de’it, maibé kuandu durante eleisaun hanesan foin daudauk durante Covid-19, Uniaun Europeia fó ba média ne’e, Horta mak ko’alia ho Embaixadór Uniaun Europeia depois mak sira tau osan balu, portantu ne’e la’ós agora de’it, maibé Horta sei kontinua litik ho parseiru sira para favór tau matan ba média independente iha Timor-Leste.

Lee Mós:
Embaixada Korea Demonstra Aihan Lokal iha Dili, "Hakarak Timoroan Sira Konsumu"

“Ha’u hatete independente tanba, iha RTTL ne’e estadu nian, embora ha’u mós sei apoiu nafatin ho Governu ruma hodi apoiu, atu nune’e buat hotu-hotu labele husu ba Governu, tanba ne’e mak ha’u husu ba rai seluk hanesan país parseiru sira, hodi nune’e sira kontribui buat balu para Governu nia Orsamentu kaman uitoan,” Xefe Estadu afirma.

 1,155 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Prezidente Horta Husu Ekipa George Soros Apoiu …” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: