Dili (timorpost.com) – Turista sira na’in-127 husi Nasaun 8, kompostu husi Australia, Fransa, Belgia, Canada, New-Zeland, Spanha, Switzerland, no United States, mak vizita fatin Turizmu Museum Rezisténsia ho objetivu atu deskobre istóriku iha Timor-Leste no luta pasadu nian.
Vizitante Giuliana Baiocco, hatete sira kontente tebes ho ró kruzeiru ne’e mai vizita Timor-Leste, tanba sira hatene antes no rona ona katak Timor ne’e furak tebes, entaun sira hakarak mai haree no halo vizita iha Rai ida ne’e.
“Ami tama mai vizita iha museum rezisténsia ne’e tanba ami hakarak deskobre istória Timor no luta pasadu nian”, nia hateten hafoin vizita Museum Rezisténsia, Liceu, Kinta (15/09).
Nia dehan, antes ne’e sira halo briefing kona-ba museum ne’e ba iha tempu pasadu ne’ebé akontese, tanba hakarak hatene no komprende liután kona-ba istória iha Nasaun ida ne’e no haree direita.
Iha Fatin hanesan Diretór Nasionál ba Unidade Edukativa no Kultura, Alvaro Vasconselhos, afirma Turista sira mai ne’e depois Covid-19 ne’e Ro kruzeiru tama iha vantajen ida tanba sira halo hodi Inkamina iha nia país ida ne’e, no turista sira ne’e kuaze idozos de’it, mak mai no balun foin sa’e, nune’e ohin turista nain-30 mak mai vizita uluk iha fatin museum ne’e, depois maka sira seluk mai vizita tan.
“Objetivu sira mai vizita Fatin Turizmu Museum Rezisténsia ne’e sira hakarak koñese Timor no istória Timor nian, ita funu durante 24 anos ne’ebé bele hasoru país boot tebes husi Nasaun Indonézia”, nia dehan.
Nia esplika, ohin sira tama mai vizita fatin ida ne’e Kerdizer livru sira la tama mai haree iha ne’e, tuir loloos livru Leitura sira bele tama, maibé tanba sira mai ho tempu badak no tempu limitadu ne’ebé sira tama iha kuartu espozisaun hodi haree Livru iha espozisaun nia laran.
“Portantu Turista sira tama vizita iha Fatin Museum Rezisténsia ne’e sira selu kada ema ida 1 USD, nune’e ami iha tabela se vizita Grupu 15 USD no individual 1 USD, portantu Nasionál no lokál hanesan de’it”, nia hakotu.
2,594 total views, 3 views today
