Dili (Timor Post) — Ministru Prezidensiál Konsellu Ministru (MPKM), Fidelis Manuel Leite Magalhães, ho Ministériu Turizmu Komérsiu Indústria (MTKI), José Lucas do Carmo da Silva, mak partisipa Investidura Kardeál, Dom Virgílio do Carmo da Silva, ne’ebé sei relaiza iha Roma, Itália.
“Reprezentante Governu nian, atu bá partisipa iha seremónia mak, delega husi Ministru Prezidensiál Konsellu Ministru (MPKM), Fidelis, portantu nia ho tan, Ministru Turizmu Komérsiu no Indústria,” PM Taur afrima, hafoin remata enkontru ho Xefe Estadu, iha Palásiu Prezidensiál, Bairru-Pité, Kinta (18/08).
Nia haktuir, kona-ba Governu preparasaun atu simu Kardeál husi Roma Itália ne’e, husi parte Igreja nian no Ministériu Administrasaun Estatál (MAE).
“Ita iha ekipa ida husi parte Igreja nian ne’ebé lidera kona-ba preparativu sira ne’e, mais parte Governu nian ami delega MAE, atu partisipa. Tanba Estadu nian kada tinan kuandu halo seremónia hanesan 20 de Maio, 28 de Novembru, no seluk tan, ne’e MAE mak sei lidera,” nia dehan.
Entaun husi parte Governu delega serbisu ho parte Igreja nian, atu halo preparativu. No tuir PM Taur nia hanoin kona-ba parte Igreja nian ho Governu, sira-nia serbisu la’o di’ak hela.
Enkuantu kona-ba orsamentu atu simu Kardeál, Dom Virgílio do Carmo, ne’ebé sei fila husi Roma, Itália ne’e, “Ha’u seidauk hatene, mais tempu, kuandu sira aprezenta, ita boot sira bele hatene ona, mais la liu ou la to’o dólar amerikanu 300.000 USD, pedidu sira nian”.
5,825 total views, 63 views today
Bele hare Video Seluk :
Subscribe to Timorpost
