DILI (Timor Post) – Ministra Negósiu Estranjeiru no Kooperasaun, Adaljiza Magno, hatete Cambodia hakarak deklara sai iha tinan ida ne’e Timor-Leste (TL), sai membru ba ASEAN (Association of Southeast Asian Nations)
“Sira Cambodia hakarak anunsia sai iha tinan ida ne’e no iha tinan oin ita sai membru ASEAN, maibé ita hein de’it sira-nia simeira dehan saida,” nia hateten iha servisu fatin, Kinta (11/08).
Nia subliña, tanba Timor-Leste nia kondisaun tuir komisaun akollamentu Asian nian katak, Timor-Leste prenxe hotu ona rekizitu, ne’ebé agora hein de’it ona desizaun polítiku.
“Ha’u rasik iha Cambodia ha’u rona diskursu Primeiru Ministru husi Cambodia nian dehan sira hakarak benvindu ba Timor-Leste, atu sai membru ba Asian,” hateten nia.
Nia hateten tan, kuandu ida ne’e mak Timor-Leste konsege tama signifika konsensu ne’ebé hein to’ok sira-nia desizaun oinsá, maibé garante ona katak Timor-Leste sei tama.
“Maibé sira promete ona tinan oin sira bele garantia, agora ita hein hodi sira bele kumpre sira-nia promesa sira ne’e,” deklara nia.
Governante ne’e subliña, nasaun Singapura mak sei fiar mihis ba Timor-Leste, atu tama ba ASEAN, maibé tuir komisaun akollamentu verdade hatudu rezultadu pozitivu loos no tama hotu ona rekizitu.
“Entaun ho rezultadu sira ne’e hatudu ita-nia dezenvolvimentu iha rai laran la’o di’ak loos tanba ne’e ita garante tinan oin ita sai ona membru ba Asean,” nia hakotu.
1,597 total views, 6 views today
Bele hare Video Seluk :
Subscribe to Timorpost
