Dili (Timor Post) –Primeiru Ministru (PM), Taur Matan Ruak, Kinta (11/08), halo enkontru semanál ho Prezidente Repúblika (PR), José Manuel Ramos Horta, ko’alia mós kona-ba serimónia funerál Eis PM Japaun, Shinzo Abe nian.
“Ami konversa liuliu kona-ba konvite sira ne’ebé ita iha kona-ba serimónia funerál ba Eis Primeiru Ministru Japaun nian ne’ebé ita-nia país iha konvite ida ami sei haree atu bele partisipa,” Xefe Governu dehan hafoin remata enkontru ho Xefe Estadu iha Palásiu Prezidensiál, Bairru-Pité.
Nia dehan, iha soru-mutu ne’e Xefe estadu mós informa husi konvite ne’ebé Timor-Leste hetan, Vatikanu mós dehan ba Prezidente Repúblika, katak envia Lider Karizmátiku, Kay Rala Xanana Gusmão, mak ba partisipa, no husi parte Governu nian sei hili delegasaun mak ba.
Entretantu Eis Primeiru Ministru, Japonés Shinzo Abe, latan hela iha rai hafoin akontese tiru bainhira ko’alia hela durante iha kampaña eleitorál. No notísia ikus ne’ebé atualiza katak eis Xefe Governu ne’e husik iis ba dala ikus.
Eis Primeiru Ministru Japonés, Shinzo Abe, kona tiru to’o rezulta mate, iha Sesta-feira bainhira hala’o hela ninia kampaña nasionál ba eleisaun nian, notísia ne’e fó sai hosi Governu liuhosi televizaun NHK, relata vítima ne’e parese sofre tiru hosi kotuk hosi ema ho kilat boot.
Polisia fó sai katak ema adultu (41 idade) sai suspeitu ne’ebé realiza Tiroteiu iha sidade de Nara, oeste nasaun nian detidu ona.
Ajénsia notísia Kyodo ho NHK relata Abe, (67 idade), iha situasaun krítiku ho fuan kuandu atu evakua ho elikópteru ba ospitál.
“Ne’e hanesa asaun barbáriku, labele tolera” Afirma secretário-chefe do gabinete, Hirokazu Matsuno, hodi haktuir katak eis Xefe governu Japaun nee hetan tiru por volta tuku 1:30 oras Timor-Leste nian.
2,078 total views, 3 views today
Bele hare Video Seluk :
Subscribe to Timorpost
