ADVERTISEMENT

Estadu Fó Omenajen ba Militár Koreanu Na’in-5 Lakon Vida iha Oe-kusi

Mario da Costa - Internasional
Jornalista : Mariano Abi
Editor : Mario da Costa
  • Share
Prezidente Repúblika, José Manuel Ramos Horta, foto hamutuk ho Militár Na’in Lima ne’ebé mate iha Oe-kusi nia família, Segunda (08/08), Imajen Esp.

Dili (Timor Post) – Estadu Timor-Leste liuhusi Prezidente Repúblika (PR), José Manuel Ramos Horta, lori membru Governu, Xefe Estadu Maiór Jenerál F-FDTL no Komandante Jerál PNTL no povu Timor-Leste nia naran, hato’o omenajen ba militár na’in-5 husi Korea do Súl ne’ebé lakon sira-nia vida iha loron 06 fulan Marsu tinan 2003, Rejiaun Administrativu Espesiál Oe-kusi Ambenu (RAEOA).

“Ohin ita halibur an iha ne’e besik tinan 20 liu tiha, atu halo omenajen liuhusi Prezidente Repúblika ba militár forsa da Paz Korea nian ne’ebé lakon sira-nia vida iha asidente mota boot tuun iha Oekusi ne’ebá,” nia hato’o omenajen ne’e liuhusi ninia diskursu.

ADVERTISEMENT
SCROLL FILA BA NOTISIA


Eventu Atribuição a Medalha de Méritos a Cinco Militares Sul-Coreanos, hetan partisipa husi Governante Timor-Leste nian, Embaixadór Repúblika Korea iha Timor-Leste, no Família sira husi militár na’in-5 Korea do Súl nian, iha Palásiu Prezidensiál, Bairru-Pité, Segunda (08/08).

Xefe Estadu haktuir, Repúblika Korea partisipa iha forsa de Paz ONU nian, ne’ebé mai iha Timor-Leste, no tuir INTERFET, depois forsa de Paz ONU nian, ho UNTAET hahú iha 1999 to’o final, sira sai iha 2003, iha períodu ne’ebá elementu sira balun husi forsa da Paz lakon sira-nia vida ida husi Nova Zelándia, lakon nia vida iha Suai, no mós elementu sira husi forsa Portugeza servisu elikópteru hetan asidente iha Alas ne’ebá, elementu seluk tan inklui Pakistan lakon sira-nia vida bainhira sira tenta dés-ativa bomba iha Kristu Rei ne’ebá.

Lee Mós :
Embaxada Xina Apoiu Maskara Rihun-40 ba Komunidade Kovalima

Iha Rai doben Timor-Leste ne’e Elementu internasionál balun militár Polísia no Sivíl lakon sira nia vida, Repúblika de Korea ne’ebé partisipa makas iha forsa da Paz iha Timor-Leste, lakon ema nain-5 ne’e mak Koronél Mill Byon Jhon, Koronél Pak Jen Kiong, Sarjentu Back Jong Hun, Sarjentu Coe Hi, Sarjentu Kim Jhon Jhun.

“Ba família ne’ebé iha ne’e, ha’u hakaruk ba imi, lori nasaun tomak inklui Timor-Leste nia naran, hato’o sentidu kondolénsias ba família en-lutada, no ha’u hakuak imi no hamutuk ho imi tau neon ba vítima sira ne’ebé asidente mortal iha Oekusi,” nia dehan.

Nia hatutan, eventu ohin loron ne’e, iha Timor-Leste nia istória nu’udar sidadaun Timorense mós iha família lubuk ida iha Timor-Leste lakon Timoroan rihun ba rihun iha luta ida ne’e nian laran durante tinan 24, ne’e duni nu’udar Timoroan komprende no hatene sente sofrimentu ba família militár sira ne’e nian.

Iha fatin hanesan Embaixadór Repúblika Korea iha Timor-Leste, Kim Jeongho, iha ninia diskursu, fó agradese ba Estadu Timor-Leste no sidadaun hotu-hotu iha Timor-Leste, mezmu tempu ne’ebé okupadu, maibé bele realiza eventu ida ohin ne’e.

“Ha’u hakarak hato’o agradesimentu ba Prezidente Repúblika, José Manuel Ramos Horta, mezmu ne’ebé okupadu, maibé bele realiza eventu ida ohin ne’e. Eventu ida ne’e, kona-ba militár Korea na’in-5 ne’ebé mate liu ona tinan 19, ba ha’u tinan 19 ne’e lori mós memória di’ak no aat ba ita hotu, mezmu ne’ebé tinan 19 ona, maibé Estadu Timor-Leste liuhusi Prezidente Repúblika, la haluha no hakarak nafatin atu kondekora sira liuhusi órgaun méritu ida ne’e, ami agradese tebes ba iha ida ne’e,” nia dehan.

Lee Mós :
Editoriál; iMistériu Haksolok Haburas Bosok

Nia hatutan, ho ida ne’e mós, tanba husi família militár na’in-5 Korea nian to’o iha Timor iha semana kotuk ho loron kinta, no sira arranka kedas ba Oe-kusi, atu presta omenajen ba monumentu ida iha Oekusi.

“Nune’e ha’u reprezenta Estadu Korea, ha’u agradese Prezidente Autoridade RAEOA nian, Arsénio Paixão Bano, ho populasaun Oe-kusi tomak ne’ebé simu sira ho di’ak tebes, hodi halo presta omenajen iha Oekusi ne’ebé la’o ho di’ak tebes. Signifikante ba tinan ida ne’e, ami konvida família sira, tanba Repúblika Korea ho Repúblika Timor-Leste halo relasaun bilateral ba tinan 20 iha tinan ida ne’e,” nia afirma.

Enkuantu husi parte Embaixadór Repúblika Korea iha Timor-Leste, konvida família husi militár na’in-5 nian ne’e, tanba iha konsiderasaun boot tebe-tebes, no husi parte Embaixadór Repúblika Korea nian ta’uk, bainhira sira lori família husi militár na’in-5 ne’e ba tristeza iha tinan 19 liu ba.

Maibé família sira depois to’o iha Timor-Leste, sira kontinente tebe-tebes, tanba sira hanoin katak, liu ona tinan 12 povu Timor la haluha ona sira-nia família, no sira to’o iha Timor-Leste, kuaze ema hotu-hotu sei hanoin sira na’in lima ninia dedikasaun, husi ne’e sira kontente tebe-tebes ne’ebé sira mai iha Timor-Leste.

Lee Mós :
Reinu Unidu Ofisialmente sai husi Uniaun Europeia, MNEK husu Timoroan Mantein Kalma

“Tanba ne’e ha’u fiar tebes ba família sira mós konxiente katak, domin ne’ebé sidadaun Timor-Leste fó ba sira militár na’in-5 ne’e, ha’u fiar katak, domin sira ne’e sei to’o iha ne’ebá, sei halo sira hakmatek, nune’e signifika katak, na’in-5 nia oan ne’ebé iha lalehan mós moris nafatin,” nia akresenta.

Nia hatutan, husi ida ne’e, ba família militár na’in-5 nian sei fila ba Korea, tuir Embaixadór Repúblika Korea iha Timor-Leste fiar katak, sira ne’e sei sai amigu interna ba Timor-Leste, sira sei hanoin nafatin Timor-Leste, hanesan mós Timor-Leste hanoin sira-nia família na’in-5 ne’ebé mate ona.

“Nune’e ikus liu lori Estuda Korea nia naran hato’o agradese ba Estadu Timor-Leste, liuliu Prezidente Repúblika, ne’ebé mós apoiu iha palku internasionál iha Korea nia pozisaun sira, no mós apoiu tomak ne’ebé ohin forma no bele realiza eventu ida ne’e. Tanba ne’e, ha’u reza ba maromak atu Timor-Leste ho Korea sempre la’o hamutuk ba oin to’o rohan laek,” nia hakotu.

 1,645 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Estadu Fó Omenajen ba Militár Koreanu Na’in-5 L…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No