DILI (Timor Post)- Embaixadór Brazil iha Timor Leste (TL), hasoru Sekretaria Jerál Parlamentu Nasionál (PN), hodi kria relasaun no kooperasaun ba area teknólojia.
“Reuniaun ida ne’e, ko’alia liu kona-ba oinsá halo tratamentu ba kooperasaun hosi projetu, atu bele haforsa no fortaleza iha servisu Parlamentu Nasionál nia ba oin nafatin, liuhosi aspetu jestaun,” hatete Embaixadór Brazil iha Timor Leste, Mauricio Medeiros de Assis, iha Parlamentu Nasionál, Kuarta (03/08).
Nia dehan, jestaun ezemplu, hanesan atividade no treinamentu teknólojia ne’ebé presiza iha kualidade no kapasidade di’ak ba nota hirak ne’ebé Parlamentu Nasionál iha liuhosi funsionáriu, nune’e bele públika imediatu.
“Ita iha programa hanesan iha area teknólojia, ezemplu, karik ita iha atividade ruma liga ho relasaun públika, entaun bele uza teknólojia ida ne’e hodi moderniza servisu iha komunikasaun sosiál ho lais no fasil,” nia subliña.
Nia dehan, ami ko’alia ida ne’e oinsá bele fortaleza ba programa teknólojia nian iha Parlamentu Nasionál iha TL, tanba ne’e mak nasaun Brazil sei lori ema espesialista na’in ida husi area takigrafia no ida hosi komunikasaun sosiál.
“Asuntu sira ne’e mak ohin ami halo deliberasaun ba PN, hodi fortaleza programa teknólojia sai programa brillante, ne’ebé bele fortifika servisu ba polítika no mós nasaun nian ho lalais”, nia hateten.
Nia dehan, Brazil iha relasaun bilaterál ho TL, liuhosi Komunidade dos Paises da lingua Portuguesa (CPLP), entaun hosi kooperasaun ne’e mak bele kria kondisaun ida no sustentabiliza ba PN iha Timor Leste.
Kooperasaun ba programa ida ne’e hanesan nasaun Brazil fahe iha nasaun barak.
Hosi programa ida ne’e, Brazil halo iha TL kuaze tinan ruanulu (20), no kooperasaun andamentu ne’ebé sempre hanoin ba povu Timor Leste nia interese.
Tanba ne’e Brazil hakarak projeta programa rua ne’e iha Timor liuliu órgaun sira hodi utiliza tempu servisu la’o ho di’ak.
1,050 total views, 3 views today
