ADVERTISEMENT

Timoroan Baku Malu, MNEK Lei Inglaterra Rigorozu

Mario da Costa - Internasional
Jornalista : Jaime Pires
Editor : Mario da Costa
  • Share
Ministra Negósiu Estranjeiru no Kooperasaun, Adaljiza Magno, Imaje TP/Jaime Pires

DILI (Timor Post)- Relasiona ho Timoroan sira ataka malu no sona malu iha ema nia Rai, Ministra Negósiu Estranjeiru no Kooperasaun (MNEK), Adaljiza Magno deklara kuidadu tanba Lei iha Inglaterra Rigorozu uitoan.

“Ha’u sente violénsia sempre ladi’ak, tanba ne’e ita apela ba maluk sira labele halo violénsia ba malu, tanba ema nia Lei iha Inglaterra ne’e rigorozu tebes,” nia hateten iha Faról, Kinta (28/07).

ADVERTISEMENT
SCROLL FILA BA NOTISIA


Lee Mós :
Portugál-Timor Leste Servisu Hamutuk Kria Kondisaun ba Timoroan Sira

Nia dehan, kuandu sira ba buka servisu mak ba halo krime ba malu ema kaer sira, submete sira ba Tribunal no risku boot sira bele tama kadeia.

“Ha’u sente hotu-hotu tenke kuidadu no hatún nervozu no labele ódiu malu, atu nune’e ba iha ne’ebá karik ba buka servisu ka ba eskola, halo ita-nia objetivu ba labele buka problema,” deklara nia.

Lee Mós :
Traballadór Timoroan 111 Preparadu ba Korea do Súl

Nia subliña tan, tanba violénsia ne’e hotu-hotu hatene katak, ne’e laiha rezultadu ida ne’ebé di’ak ba ema, maibé nia rezultadu aat mak barak liu.

“Sidadaun sira ba servisu iha Inglaterra ne’e nia dadus konkretu laiha, tanba sira balun mai rejistu no sira balun la rejistu, tanba sira ba ne’e ho Pasaporte Portugál, maibé iha estimativu purvolta 15 ka 20 mill ital, maibé sira rejistu ne’e la liu 5 mill,” hateten nia.

Lee Mós :
Prezidente Repúblika Promove Tais no Kafé Timor

Nia reforsa tan, maibé sira kuandu iha problema ona sira foun ba rejistu iha Embaixada, maibé iha buat hotu-hotu normál sira la ba rejistu, entaun sira-nia dadus konkretu laiha,” nia hakotu.

 1,948 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Timoroan Baku Malu, MNEK Lei Inglaterra Rigorozu” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No