ADVERTISEMENT

Governu Portugal Komunika SEFOPE Prepara Joven Sira ba Servisu

Mario da Costa - Internasional
Jornalista : Mariano Abi
Editor : Mário da Costa
  • Share

Dili (Timor Post)–Governu Portugal liuhusi Embaixadór iha Timor-Leste komunika ona Sekretáriu Estadu Formasaun Profisional no Empregu (SEFOPE), atu tuur hamutuk ko’alia kona-ba preparasaun Joven sira, hodi ba serbisu iha Portugal.

Sekretáriu Estadu Formasaun Profisional no Empregu, Alarico do Rosario, hatete prosesu atu lori ema ba servisu iha rai li’ur la’ós buat fasil, tenke hatene uluk ema nia regras, entre Governu rua ne’e tenke tuur hamutuk no halo akordu, kuandu iha ona Governu Timor-Leste tenke haruka ema ruma atu ba, hanesan adidu ou tenke fó konesimentu ba Embaixadór sira ne’ebé iha Rai li’ur, hodi halo Konsultasaun ho Rai ne’ebé atu lori Timoroan ba serbisu.

ADVERTISEMENT
SCROLL FILA BA NOTISIA


Nia subliña, tenke iha lina komunikasaun ne’ebé di’ak, hodi hetan baze legal, tanba ho baze legal mak lori Timoroan sira ba servisu iha ema nia Rai, iha buat barak mak Governu Timor-Leste tenke ko’alia, trata ema oinsá karik hetan problema. Ida Governu ho Governu mak tenke atende ida ne’e.

Lee Mós :
Governu Presiza Trata Traballadór ho Dignu

“SEFOPE iha planu atu halo Komunikasaun ho nasaun ne’ebé de’it mak atu lori Timoroan ba servisu, inklui Governu Portugal iha komunikasaun Via Telefone, husi Embaixadór Portugal iha Timor-Leste atu hasoru malu hodi ko’alia kona-ba prepara joven sira hodi ba servisu iha portugal, maibé ne’e foin mak iha komunikasaun, seidauk hetan akordu ida, no mós seidauk hetan aseitasaun ho Governu Portugal,” nia hateten iha Otél Timor Lodge, Komoro, Sesta (15/07).

Nia haktuir, dalan iha nasaun ida ba baze legal maka SEFOPE ho MNEK, husi MNEK ba halo akordu, no emplementadór maka SEFOPE.

Lee Mós :
PR Horta Sei Partisipa Reuniaun Asembleia Jerál iha Nova Yorke

“Tanba ida ne’e mak ha’u ko’alia ba Públiku, atu nune’e ita-nia sidadaun sira komprende. Primeiru, Governu Timor-Leste liuhusi MNEK mak ba halo asina akordu ho nasaun ida ne’ebé de’it, atu responsabiliza ema ida lori ba ne’e, no ita-nia Liña Ministeriál ne’ebé toma responsabilidade mak MNEK ho SEFOPE. Durante ne’e ami la’o hanesan ne’e, la’os MNEK la halo serbisu, maibé ami serbisu hamutuk, ho ninia regra loos mak ha’u dehan ne’e,” nia afirma.

Enkuantu husi ida ne’e, iha parte ninian dehan, labele ko’alia buat ida tanba foin mak komunikasaun de’it, ho ida ne’e sei iha prosesu naruk, entre Governu rua ne’e presiza tuur hamutuk hodi ko’alia kona-ba ida ne’e.

Lee Mós :
SEFOPE: Seidauk Iha Lei Ida Autoriza Koa Osan Traballadór

“Ita labele ko’alia buat ida, tanba foin mak iha komunikasaun, seidauk to’o akordu ruma ou prepara lori ema, tanba ita lori ema ba primeiru ita tenke prepara ema atu ba karik nia serbisu iha area ne’ebé, se nia ba hetan saláriu minímu ne’ebé nia hetan bele sufisiente ba nia ka lae, ou bazeia ba baze legál ne’ebé hakerek iha akordu ka lae, nia ba ne’e hetan kedas kontratu ruma ka lae, ida ne’e ita tenke ko’alia hotu, signifika, ida ne’e sei iha prosesu,” nia hakotu.

 3,607 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Governu Portugal Komunika SEFOPE Prepara Joven …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No