DILI (Timor Post)-Embaixsdór Korea iha Timor-Leste, husu Xefe Estadu Maior Jerál FALINTIL- Forsa Defeza Timor-Leste (F-FDTL), Tenente Jenerál, Domingos Raul Falur Rate Laek, atu akompaña Prezidente Repúblika, José Manuel Ramos Horta, ba vizita Korea.
Embaixador Korea iha Timor-Leste, Kim jeong Ho, hatete Prezidente Repúblika, iha hanoin atu ba vizita Korea, tanba ne’e husu Tenente Jenerál, atu akompana iha vizita ne’e.
“Hau informa ba senhor Jenerál, katak Prezidente Repúblika, José Ramos Horta, iha duni hanoin atu vizita Korea, ha’u hatete se bele ita tenke akompaña, atu nune’e ida ne’e bele reforsa liután kooperasaun Militár entre rai rua nian,” nia diskusu hafoin remata entrega ekipameentu iha Kuartél Jerál Fatuhada, Tersa (12/07).
Nia dehan, ho vizita senhor Jenerál nian ba Korea bele hetan parseiru di’ak no bele mós haree direita ekipamentus Militár ne’ebé iha Korea, no atu sira mós iha protidaun tebes hodi apoiu ba Timor-Leste
“Ha’u mós hakarak informa tinan ida ne’e, halo estabelese entre relasaun bilateral halo tinan 20, ne’e pasu aranka para bele reforsa liután kooperasaun entre militár Timor-Leste ho militár Korea,” na hakotu.
Iha fatin hanesan, Xefe Estadu Maior Jenerál, Domingos Raul Falur Rate Laek, hatete iha tempu Badak Prezidente Repúblika, José Ramos Horta, sei halo vizuta ba iha Korea.
“Tanba ne’e, ha’u husu tiha Prezidente para depois ami-nia Ministru Defeza, atu akompaña ba ne’ebá haree took halo nusa para Governu rua ne’e halo programa kuadru ruma para ita asina hamutuk para depois ita-nia kooperasaun tékniku militár no programa kuadru Militár nian bele la’o,” nia dehan.
Nia hatete, banhira Jenerál anunsia intesaun ba Prezidente Repúlika, Prezidente Repúblika, reforsa kedas Jenerál nia intesaun ne’ebé hato’o katak ba karik keta haluhan lori ho Ministru Defeza, para ba halo esplora tok kondisaun oinsá para bele halo akordu kuadru ténkiku ida, para bele iha kooperasaun nivel forsa armadas nian ne’ebé di’ak liu.
1,374 total views, 3 views today
