ADVERTISEMENT

SORUMUTUK LÍDER SIRA TIMOR-LESTE NO AUSTRÁLIA

  • Share

DEKLARASAUN KONJUNTA

Kinta, loron 17 fulan-fevereiru tinan 2022

ADVERTISEMENT
SCROLL FILA BA NOTISIA

SORUMUTUK LÍDER SIRA TIMOR-LESTE NO AUSTRÁLIA

Primeiru-Ministru Timor-Leste, Taur Matan Ruak, no Primeiru Ministru Austrália nian, Scott Morrison, hala’o sorumutuk virtualmente iha kinta, loron 17 fulan-fevereiru tinan 2022. Na’i Ulun País Rua ne’e nian reafirma importánsia fundamentál relasaun bilaterál Austrália-Timor-Leste, no salienta katak tinan 2022 marka tinan ruanulu relasaun diplomátika entre Austrália no Timor-Leste.

Líder rua ne’e, simu ho di’ak espansaun kooperasaun substansiál entre país rua ne’e, hahú kedas husi vizita Primeiru Ministru Morrison mai Timor-Leste iha fulan-agustu tinan 2019.

Primeiru Ministru sira diskute kona-ba sira-nia apresiasaun ba amizade forte no metin entre povu Timor-Leste no Austrália, no hametin kompromisu ne’ebé país rua fahe iha defeza husi valór demokrátiku nian.

Primeiru Ministra Taur Matan Ruak hato’o ninia apresiasaun ba apoiu abranjente Austrália nian hodi hatán ba COVID-19 iha Timor-Leste, ne’ebé inklui destakamentu ekipa asisténsia médika Austrália nian iha fulan-abril no fulan-setembru tinan 2021, apoiu tomak ba programa nasionál vasinasaun nian iha Timor-Leste no fornese vasina Austrália nian ba doze primária no ba reforsu nian sira. Austrália sai ona doadór boot ba vasina COVID-19 nian iha Timor-Leste.

Primeiru-Ministru rua ne’e fó-sai inísiu ba faze tinan lima foun nian, atu apoiu ba setór saúde iha Timor-Leste, ho valór dolar australianu millaun 30, atu hametin prestasaun servisu hodi kuidadu saúde primáriu sira, ne’ebé inklui hadi’a nutrisaun, ijiene no saneamentu, no saúde sexuál no reprodutiva. Primeiru-Ministru sira konkorda atu serbisu hamutuk hodi apoiu rekuperasaun ekonomia hafoin pandemia.

Lee Mós:
Taur Promete Sei Vizita PM Austrália Molok Mandatu Remata

Austrália disponibiliza ona dolar australianu millaun 30 hodi fó apoiu orsamentál no ajuda sira seluk ba Timor-Leste hodi mantein servisu sira no ba atividade ekonómiku durante krize, ne’ebé inklui finansiamentu ba Programa Nasionál suku (PNDS) Timor-Leste nian, ne’ebé permite konstrusaun infraestruturas komunitária sira hanesan sistema irrigasaun, ponte ki’ik sira, no estrada sira ne’ebé resin katoluk rua ba aldeia sira hotu Timor-Leste nian.

Primeiru-Ministru sira rekoñese ona importánsia atu reforsa infraestrutura esensiál sira hodi promove ba prosperidade ekonómika Timor-Leste nian ba tempu naruk. Primeiru-Ministru Taur Matan Ruak hato’o kompromisu Timor-Leste nian ho implementasaun ligasaun Súl Kabu Submarinu husi Timor-Leste ba Austrália, hodi permite servisu sira internet nian ne’ebé lais liu, fiável liu no asesível liu ba konsumidór sira no empreza sira Timor-Leste nian, hahii ba oferta Austrália nian ba apoiu adisionál kona-ba konkretizasaun husi ligasaun ida-ne’e ba kada kabu.

Primeiru-Ministru Morrison konfirma ona katak Austrália mós sei fó apoiu kona-ba reabilitasaun Aeroportu Internasionál Dili nian.

Primeiru-Ministru sira louva ba anúnsiu ne’ebé halo husi Diretór Ezekutivu Qantas, Alan Joyce, katak kompañia aérea ida-ne’e sei estabelese rota komersiál permanente ida entre Darwin no Díli, ho númeru krexente vou sira-nian, tuir Akordu foun Servisu Aéreu sira Austrália – Timor-Leste. Vou foun sira ne’e, sei aumenta oportunidade sira ba komérsiu, turizmu no mobilidade laborál entre ita-nia país sira.
Primeiru-Ministru sira diskute ona importánsia mobilidade laborál iha promosaun rekuperasaun ekonómika iha país rua-ne’e.

Lee Mós:
Asosiasaun Jornalista Timor Lorosa’e Kongratula Jornalista no Kanál Mídia Sira iha Komemorasaun Loron Mundiál Liberdade Imprensa

Timor-Leste iha rezerva traballadór ne’ebé vasina ona ho totál liuhusi 6.500 no prontu atu mobiliza sira ba Austrália. Hein katak prokura boot traballadór sira iha Austrália sei provoka aumentu boot númeru traballadór timoroan sira-nian iha tinan 2022 ne’ebé emprega iha ámbitu eskema Mobilidade Laborál Pasífiku no Austrália (PALM)
Primeiru-Ministru rua diskute kona-ba importánsia husi kontribuisaun katak esplorasaun husi rekursu sira gás nian iha Tasi Timor ne’ebé fó moris di’ak iha ekonomia entre nasaun rua, no hametin kooperasaun entre Austrália no Timor-Leste iha Tratadu Fronteira Marítima nia tutela, ne’ebé tama ona iha vigór iha tinan 2019. Primeiru-Ministru Morrison kompromete nia-an katak harii Fundu ida husi Parseria GNL nia hodi hametin ligasaun sira entre Austrália no Timor-Leste iha dezenvolvimentu no komérsiu gás nian, no mós iha utilizasaun ba rai hamutuk no halo armazenamentu ba karbonu nian.

Primeiru-Ministru rua mós diskute interese sira ne’ebé komún husi Austrália no husi Timor-Leste iha rejiaun Indo-Pasífiku nakloke, inkluziva no forte, iha ne’ebé direitu sira husi Estadu hotu-hotu sei hetan respeitu no iha ne’ebé sei define soberania no independénsia kada nasaun. Sira mós ko’alia liu ba rezolusaun ida husi disputa ne’ebé naruk, kona-ba fronteira marítima sira nian liuhusi prosesu rekonsiliasaun obrigatóriu ne’ebé liu husi UNCLOS hanesan ezemplu ida ne’ebé forte husi rezolusaun pasífika ba disputa sira bazeia ba direitu internasionál.

Lee Mós:
Uniaun Eropeia Lansa Komunikadu Kona-ba Signifikadu husi Desizaun Reinu Unidu ba Sira no Parseiru

Primeiru Ministru rua deside ona atu servisu hamutuk hodi impede Tasi Timor nian ne’ebé uza ilegál husi peskadór ilegál sira, ema kontrabandista sira no ema kriminozu transnasionál sira. Sira kompromete ona atu kontinua hakle’an kooperasaun iha matéria seguransa tasi nian, no Primeiru-Ministru Morrison konfirma ona nia kompromisu husi Austrália oinsá atu fornese ro rua patrulla nian klase Guardian, Aitana no Liline, ba Timor-Leste, iha tinan 2023. Sira hahii ba servisu ne’ebé la’o hela hodi prepara ba entrega embarkasaun rua, inklui modernizasaun ba infraestrutura sira iha Baze Naval Portu Hera, iha kosta norte Timor-Leste nian.

Primeiru-Ministru sira diskute ona envolvimentu boot Timor-Leste nian ho organizasaun multilaterál sira, inklui sira-nia proposta sira adezaun nian ba ASEAN no ba Organizasaun Mundiál Komérsiu nian, no forte no ne’ebé metin husi apoiu Austrália nian. REMATA

 120 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “SORUMUTUK LÍDER SIRA TIMOR-LESTE NO AUSTRÁLIA” A few seconds ago
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: