INSS Halo Ona Pagamentu ba Datoluk

by -409 views
Prezidente NSSI, Longuinhos Armando

DILI (Timor Post) —Prezidente Institutu Nasionál Seguransa Sosiál Inkluzaun (INSSI), Longuinhos Armando informa, INSS halo ona pagamentu subsídiu rekuperasaun ekonomia ba dala toluk nian, hahú iha semana kotuk.

“Pagamentu hahú iha loron 05 Jullu, no agora halo pagamentu ba dala tolu ona, iha loron 12 Jullu mós pagamentu ba dala rua, depois loron 14 fulan Jullu, agora halo pagamentu dala tolu ona,” Longuinhos hatete ba jornalista Timor Post, iha edifísiu INSS Kaikoli, Kuarta (21/07).

Portantu, total benefisiáriu husi fakultativu, nia afirma, selu ona ba benefisiáriu hamutuk 1.364, kompostu husi taxista, negosiante ki’ik. Enkuantu ba traballadór husi empreza, selu ona hamutuk 2.457 benefisiáriu, ho total orsamentu ne’ebé selu ona kuaze dois millões quadro centos seis senta mil, mak halo ona pagamentu.

Enkuantu, prosesu pagamentu la’o nafatin, nia dehan, la’ós loron–loron maibé verifika to’o hetan benefisiáriu 100 hanesan ne’e prosesa ba banku, tanba ne’e mak pagamentu verifika hotu ona maka foin halo levantamentu ba banku.

Longuinhos informa, levantamentu ba banku dala tolu ona iha dia 05 Jullu, tuir iha dia 12 no dia 14 Jullu, agora ida ne’e halo verifika tan to’o dokumentu ne’ebé tama iha institutu verifika hotu. Dadus ne’ebé submete ba iha INSSI kuaze 14 mil, kompostu fakultativu inklui traballadór empreza balu foun no tuan hamutuk hotu.

“Ida ne’e sei prosesa hela, ita nia hanoin katak iha Augustus no Setembru nia laran sei halo pagamentu hotu maibé konforme ba prosesu verifikasaun sei verifika iha ne’e maka lais tanba sei atende servisu sira seluk-seluk, hanesan atendementu ba subsídiu idozus sira no iha ema balun nia direitu kona-ba pensaun. Tanba iha fulan ida ne’e INSS servisu hamutuk ho BNCTL ba pagamentu ferik katuas sira,” nia katak.

Aleinde ne’e, atende pensionista ne’ebé mai simu sira nia direitu tanba ne’e maka balun verifika hela no balu hotu ona atu halo pagamentu. (PJ11)

No More Posts Available.

No more pages to load.