Inséndiu iha Bairru Pité, Loja Ida Motuk

by -11.942 views
Komunidade sira hobur hodi haree loja ne'ebe ahi haan motuk, Imajen TP/olga soares

(Reportajen Olga Soares/Editor Mateus da Cruz)

DILI (Timor Post)—Ohin tuku 03:00 Madrugada, Oras Timor Leste, akontese inséndiu iha Bairru Pité hodi rezulta Loja ida motuk (Loja Sofia).

Tuir informasaun ne’ebé hato’o hosi loja na’in ne’ebé lakohi fó sai nia naran, hatete, inséndiu ne’e akontese kauza hosi Jeleira rebenta no derrepente mosu ahi lakan maka’as hodi han motuk tiha loja ne’e.

“Katuas ho ferik ho alin ki’ik sira mak toba iha andár leten, hakfodak rona jeleira tarutu sira halai sai maibé haksoit tun hosi uma andár loja nia oin, “dehan Loja na’in ba Timor post iha fatin akontesimentu, Bairropité, Domingo (01/05).

Parte Bombeiru konsege to’o duni fatin akontesimentu hodi hamate ahi maibé sasán sira iha loja laran inklui osan la salva hotu, tanba Loja na’in sira halai haksoit sai hosi andár leten no la konsege hasai sasán sira, tanba ta’uk ho ahi ne’ebé lakan boot ona.

“Osan ne’ebé atu solda karreta mós ahi han hotu, sasán uma laran ami la hasai”, nia hato’o.

Tuir observasaun Timor Post, nota katak, iha inséndiu ne’e iha mós loja ida maka kona mós impaktu ne’e. (Lee Notísias Seluk Iha Jornál Timor Post/ Asesu You Tube Timor Post)

No More Posts Available.

No more pages to load.