Indonézia Livre husi Zona Mean COVID-19

by -445 views
Foto Espesial

DILI (Timor Post)—Sentru Integradu Jestaun Krize Repúblika Indonézia (Satuan Tugas/Satgas) COVID-19 fó sai nasaun viziñu ne’e livre ona husi zona mean moras daet ne’e.

Fó sai iha CNN Indonesia, 22 setembru 2021, iha Indonézia, area ne’ebé ikus liu sai husi zona mean maka Provínsia Aceh.

Maske nune’e, Indonézia nafatin konsidera área ne’ebé tama iha risku kinur, iha ne’ebé sei iha transmisaun virus maibé menus iha rejiaun 481 inklui provínsia DKI Jakarta, tanba rejista iha loron 21/09/2021, kazu foun hamutuk 3.263. Inkuantu rekoperadu na’in-6.581 no na’in-171 mate.

Dadus komulativu, hahú husi Indonézia rejista virus Corona, ema na’in-4.195.958 mak infetadu, na’in-4.002.706 rekoperadu, na’in-52.447 sei halo hela tratamentu iha ospital no na’in-140.805 maka mate. (cao)

No More Posts Available.

No more pages to load.