Ikan Baleia Boot Ida Mate iha Tasi parte Mehara

by -120 views

DILI—Komunidade sira hetan ikan Baleia (ikan Paus) boot ida mate hela iha tasi ninin parte Loekeru, Suku Mehara, Postu Administrativu Tutuala, Munisípiu Lautem, iha loron Sesta (27/12/2019).

Tuir komunidade Maria Rosa Xavier ne’ebé nia koñadu ho nia alin mane maka hetan ikan boot ne’e, no públika iha pájina rede sosial haktuir, ikan Baleia sira konsidera hanesan sira nia Avo.

“Ami-nia Ratu Maulean konsidera Baleia hanesan ami-nia Avo,” subliña Maria Rosa.

Jornalista Timor Post kontinua halo hela kontaktu ho komunidade ho autoridade lokal iha parte ne’eba atu hatene kona-ba motive husi ikan nia mate no halo oinsá ba ikan nia isin mate ne’e.

Iha komentáriu balu husu atu autoridade sira tenke asegura ikan ne’e hodi prepara fatin no haloot ho didi’ak. (cao)

No More Posts Available.

No more pages to load.