Iha Tribunál, Arguida JMS Defende Razaun Sona nia Laen

by -411 views
Ilustrasaun

DILI (Timor Post)—Sempre abuza no baku arguida JMS (feen kaben) bainhira fila mai uma ho kondisaun lanu, lezadu SJ (laen) hetan sona ho tudik iha los kalilin hun.

Kazu ne’e akontese iha loron Kuarta (12/10/2021) iha area Tasi-Tolu Maslidun, Tuir defeza arguida nian, Defensór Públiku José da Silva, katak, arguida nia laen (vítima SJ) sempre abuza nia kaben arguida ho kondisaun Lanu depois baku, lakohi buka servisu.

“Arguida deklara katak, arguida nia la’en laiha servisu fa’an de’it SDSB iha dalan ninin, lezadu nee ema ida lanu ten, lakohi fó osan ba arguida, tama uma ho kondisaun lanu sempre baku arguida, abuza demais mak arguida ho tudik sona loos iha arguidu nia kotuk ho kalilin okos parte karuk,” defeza hatuir iha TDD, Sábadu (16/10).

Defeza hatete, kazu ne’e Ministériu Públiku prova ho krime rua, ida mak omisídiu tentada simples no ida seluk krime Arma Branka.

Tanba ne’e, liuhosi prosesu alegasaun, MinistériuPúbliku rekomenda ba tribunál atu aplika medida prizaun preventiva ba arguida.

Maibé nu’udar defeza, nafatin defende katak provas ne’ebé Ministériu Públiku promove ladún prienxe rekizitu balu, tanba ne’e defeza solisita ba tribunál aplika de’it medida koasaun TIR.

Nune’e, defeza subliña, tribunál komprova duni pedidu alegasaun hosi defeza nian, no juis prezide aplika medida koasaun aprezentasaun periódika, kada semana ida dala ida, ba Postu Polísia ne’ebé hela besik arguida nia área.

“Desizaun, tribunál aplika medida koasaun aprezentasaun periódika, signifika katak semana ida, dala ida durante fulan ida, ba iha sentru ka postu polisia ne’ebé hela besik arguidu nia área,” dehan nia.

Kazu ne’e prezide hosi juis turnu Afonso Carmona, parte Ministériu Públiku reprezenta ofisial Turnu, no arguidu hetan asisténsia legal hosi defensór Públiku,  José da Silva. (jxy)

No More Posts Available.

No more pages to load.