ICT Elabora Planu Estratéjia Governu Eletróniku

by -196 views
Informasaun Komunikasaun Teknolojia (ICT), realiza workshop iha Hotel Timor, Kinta, (04/05).

(Reportajen Estaziadu Cardenio Alves/Asistente Editor Hermenegildo da Costa Tilman)

Dili (Timor Post)—Informasaun Komunikasaun Teknolojia (ICT), realiza workshop ho tema (ICT Strategy no E-Government Master Plan and Roadmap) hodi ko’alia kona ba oinsá bele uza governu digital hodi fó suporta ba jeralidade ba populasaun tomak hodi asesu servisu governu ninian ho di’ak liu tan.

“Objetivu husi workshop ida ne’e oinsá mak lideransa TIC TIMOR ho ekipa tékniku sira hahú internalmente tau hanoin hamutuk hodi elabora planu estratéjia, no roadmap ida ba ICT no governu eletróniku hodi ajuda atendementu servisu públiku governu nian ida ne’ebe efikásia ba futuru”, hatete husi Diretór Ezekutivu Teknolojia Informasaun no Komunikasaun, Roberto C. de Sousa Vicente, iha Fatin Hotel Timor, Kinta, (04/05).

Programa Ida ne’e atu kontribui VIII governu iha kurtu, médiu no longu prazu, mak sei presiza Estratéjia ICT no planu mestre no roteiru E-governu ida hodi orienta servisu TIC TIMOR I.P no Governu husi jerál nian ba futuru.

Tuir nia, prosesu ida ne’e presiza involve Instituisaun Públiku, privadu no Organizasaun Sosiedade Sivíl sira, tanba objetivu ho hanoin sira hanesan ne’e mak TIC TIMOR sei hahú konsulta no diskute hodi formula planu Estratéjiku ICT no E-governu ho Sosiedade Sivíl sira hotu.

Formula dezafiu Estratéjia ICT no Governu Eletróniku no planu mestre ne’ebe komprensivu no inkluzivu ba dezenvolvimentu sosiál no ekonómiku ho uza ICT no E-governu, atu bele hetan input ka hanoin husi perspetiva Sosiedade Sivíl hodi dezafia Estratéjia ICT no Governu Eletróniku no planu mestre ba kurtu, médiu no longu prazu.

Diskusaun sei kobre pergunta xave sira hanesan, oinsá sidadaun sira liu-liu ba ferik no katuas sira, no ema ho defisiénsia sira liu-liu iha area sira hanesan saúde, edukasaun, ekonomia, atu bele asesu servisu Governu nian.

Planu estratéjia ICT no E-Governu nian, hein katak bele realiza planu refere ba iha futuru. Nia hakotu (Lee Notísia seluk iha Jornál Timor Post/Asesu You Tube Timor Post)

No More Posts Available.

No more pages to load.