Kandidatu Lere Husu Militante no Simpatizante Mantein Pas

by -330 views
Kandidatu Prezidente Republika Lere Anan Timur foto hamutuk ho militante no simpatizante sira, Foto Esp

(Reportajen Cesario Sousa/ Editor Mateus da Cruz)

WATULARI—Kandidatu Prezidente Repúblika períodu 2022-2027 ho númeru sorteiu 8, Lere Anan Timur (LAT), hala’o vizita ba iha Vikeke no Baukau iha dia 23- 26 Fevereiru, objetivu atu halo konsolidasaun ho militante no simpatizante, hodi husu sira mantein pas no estabilidade bainhira tama ba períodu kampaña.

“Ha’u lakohi povu Timor-Leste fakar raan dala ida tan. ha’u hakarak de’it mak pás, pás no pás,”nia dehan ba apoiante sira iha Munisípiu Vikeke Postu Administrative Watulari, Kinta (24/02).

Eis Jenerál ne’e deklara ba ninia militante sira husi Postu Administrative Watulari kompostu husi Suku Afaloicai, Makadiki, Matahoi, Waitame no Vessoru katak Povu Timor-Leste funu ba ukun an dala ida de’it no labele iha tan ona funu.

Iha atividade konsolidasaun ne’e Lere hetan perguntas hosi militante balunne’ebé husu tanba sa Partido FRETILIN nu’udár organizasaun no partidu boot, inklui Maun Boot Xanana, la apoia Jenerál nia kandidatura ?. Hatán ba pergunta ne’e, Lere dehan, maski la hetan apoiu maibé nia nafatin Fretilin.

“Maibé ha’u hakarak deklara nafatin ba públiku ha’u FRETILIN nanis. FRETILIN iha ha’u-nia isin lolon no iha ha’u-nia klamar,” Reafirma Jenerál Reformadu ne’e.(Lee notisia seluk iha jornal Timor Post/asesu youtube Timor Post)

 

No More Posts Available.

No more pages to load.