Horta: Portugal sei Manan 1-0

husi -66 views
Eis Prezidente Repúblika José Ramos Horta halo movimentu iha Kapitál Dili ho Bandeira Portugál, Foto: Google

(Reportajen Rosa Garcia)

DILI (Timor Post)Jogo Internasional Kopa Europa sai nafatin eventu favoritu iha mundu liu liu iha kontenenti  Azul .

Nasaun Timor Leste ne’ebé maoria nia komunidade gosta desportu futeball  mós lakohi lakon, ambitu ida ne’e laos deit da’et ba joven sira, maibe hahu hosi labarik to’o ema boot to’o mós ukun nain sira.

Figura importante iha Timor Leste , Doutór Ramos , Maun Xanana, membru Governu, Deputadu, emprezariu sira ida idak espresa sira nia hanoin ba jogu ne’e no apoiu ba kada ekipa ne’ebé sai sira nia favoritu.Maibé ba ekipa selesaun Portugal kuaze maioria Timor Leste fó nia apoiu tomak, no ekipa ne’e metin ona ho ema Timor oan sira hotu haree hosi istoria no Timor konsidera Portugal hanesan ekipa ida mós hosi Timor.

Laureado Nobel da Paz, Doutór Jose Ramos horta ba Timor Post ,Tersa (15/06), hateten,portugal sei manan golu ida ba Hungaria, tanba haree hosi jogu Portugal ne’ebé furak .

“Portugal sei manan. Hungaria nia jogu laiha arte hanesan ekipa Portugal”,afirma hodi hatutan tan senior Diplomata ne’e, Portugal sei hatama golo 1-0.

Entertantu Deputadu Abel Pires, hosi Bankada PLP mós apoiu ekipa Portugal.Tuir Pires, jogu entre Portugal ho Hungaria, sei manan hosi Portugal ho golu 2 no hungaria 1, tanba tuir deputadu ne’e Hungaria mós ekipa forte.

“Hungaria mós la arbiru, maibé Portugal nia iha striker (avansadu)  ida hanesan Cristiano Ronaldo, bele lori ekipa ne’e manan ho golu 2 no hungaria 1”,sublinha.

Alien Jogu ne’e sei hahu iha mardugara oras 01.00, loron 16 Juno, maibe maioria komunidade prepara hodi sosa atributu ne’ebé liga ba simbolo portugal nian, hahu hosi kamizola, bandeira syal, no seluk tan. (Lee nutisia kompletu iha  Jornal Timor Post)