HNGV Fahe Sinai’s Kankru Susun Ba Rede Feto

by -53 views
Ilustrasaun

DILI (Timor Post)Doutór Espesialista Sirurjia, atuál diretór Ezekutivu HNGV, Alito Soares, ofisialmente fahe Sinai’s kankru susun nian ba organizasaun noun governamentál Rede Feto Timor-Leste, atu nune’e sira bele halo fila fali sensibilizasaun informasaun ba komunidade sira.

Objetivu sensibilizasaun informasaun ne’e ho objetivu atu fahe koñesimentu Sinai’s kankru susun liuliu ba maluk feto sira, liga ba kazu kankru susun iha HNGV ne’ebé ninia númeru kada loron aumenta.

“Dadus ne’ebé loroloron ita nia médiku sira haree, kada semana simu kazu kankru tolu to’o lima, númeru ida ne’e ita bele kalkula fulan ida ita atende na’in hira no liga ba kazu referral transfere ba iha estranjeiru, ninia númeru mós aumenta hela de’it, tanba ita nia pasiente sira dala ruma ba fasilidade saúde sira, sira sempre ba ho nivel estádiu ne’ebé grave loos ona foin sira bele ba fasilidade saúde”, nia preokupa.

Atu halo konkluzaun badak, katak kazu hirak ne’e akontese dala-ruma komunidade seidauk iha koñesimentu ne’ebé kle’an, razaun seluk fasilidade saúde ho atendimentu ne’ebé kompleksu liu.

Tanba ne’e, komisaun ne’ebé hetan apoiu hosi gabinete espoza Prezidente Repúblika nian ne’ebé apoiu komisaun feto nian  nune’e fahe informasaun ba komunidade kona ba Sinai’s kankru susun nian no informasaun ba maluk sira ne’e atu bele asesu ba fasilidade saúde sira, liuliu ba HNGV hodi bele hetan tratamentu ne’ebé adekuadu.

“Ita hatene agora daudauk númeru kazu kankru susun ne’ebé ba halo tratamentu iha HNGV aumenta, signifika númeru aumenta ema iha ona koñesimentu ba konsulta, ida ne’e faze ida ne’ebé di’ak tebes”, Alito agradese.

Iha oportunidade hanesan Espoza Prezidente Repúblika, Cidália Nobre Mouzinho Guterres, hatete programa sosializasaun kankru susun nian nu’udar programa gabinete Espoza PR nian ne’ebé fó apoiu hosi tinan 2018 servisu hamutuk ho komité nasionál moras kankru susun nian ne’ebé sé-fia hosi Doutór Alito Soares ho fundasaun Alola ne’ebé mak durante ne’e la’o hamutuk halo sosializasaun ba inan feto sira iha munisípiu no iha Dili.

“Ha’u hanoin katak ho kazu ne’ebé aumenta, ita presiza halo sosializasaun makaas liu hodi haree oinsá halo atendimentu, maibé sé ita nia komunidade rasik la hakat ba fatin fasilidade saúde, moras sei iha de’it nia isin, maibé hanesan ha’u hatete ita presiza iha apoiu barak liuhosi sosializasaun informasaun”, nia hakotu.(res)

No More Posts Available.

No more pages to load.