Higinio das Neves Troka Komandante João Silva Lidera Komponente Naval

by -234 views
Xefe Estadu Maior Jeneral FALINTIL Forsa Defeza Timor Leste (F-FDTL), Tenente Jeneral, Falur Rate Laek halo akordu hodi nomeia Higinio das Neves ba komandante Komponente Naval troka Komandante Joao Silva. Imajen TP/ Cardenio Alves

(Reportajen Cardenio Alves/Editor Mateus da Cruz)

DILI (Timor Post)-Kapitaun Mar e Guerra Higinio das Neves, simu pose hodi troka Komandante Komponente Naval  Kapitaun Fragata João Silva, lidera Komponente Naval.

Komandante Komponente Naval foun, Kapitaun Mar e Guerra Higinio da Neves, hateten, nia parte agradese ba kargu Komandante Komponente Naval ne’ebé parte Komandu F-FDTL fó fiar dala tan hodi lidera Komponente Naval ho ida ne’e, nia parte promete sei  kontinua saida maka komandante Komponente Naval sesante sira halo ona, hodi dezenvolve Komponente Naval sai forsa ne’ebé profisionál iha futuru.

“Komandante Komponente Naval foun sei la halo buat foun ida. Ami sei kontinua saida maka ita bo’ot sira halo ona “, dehan Kapitál Mar e Guerra, Higinio das Neves, iha nia diskursu iha Base Komponente Naval Hera, tersa, (12/04).

Tuir nia, komponente Naval la’ós buat foun ida ba nia, tanba nia mós   ema ne’ebé antigu no ema ne’ebé  mós lidera komponente Naval durante  tinan 10 nia laran, tanba ne’e promete sei dezemvolve di’ak liután komponente Naval ba oin ho di’ak liu.

Mandatu ne’ebé Komandu F-FDTL  atribui ba nia  bá  dala ida sente todan, maibé  ho parte hotu nia apoiu nia sente  servisu  hotu sente kaman.

“,Ha’u mandatu dala ida sente diferente tebes iha mudansa balun ne’ebé maka iha liuliu sistema autoridade marítimu nian, ezije ita atu asegura ita nia tasi ne’ebé luan liu rai, tanba ha’u husu parte hotu apoiu hodi ita fó susesu ba ida ne’e”, dehan Komandante Komponente Naval Kapitaun Mar e Guerra, Higinio das Neves.

Komandante Komponente Naval ne’e husu ba membru sira atu tane aas nafatin disipliña no komitmentu hodi hamutuk serve no dezenvolve  instituisaun F-FDTL  sai dezenvolve di’ak liután.

Iha fatin hanesan, Xefe Estadu Maiór Jenerál  FALINTIL Forsa Defeza Timor-Leste (F-FDTL), Tenente Jenerál Falur Rate Laek, hateten, nomeiasaun ba Komandante Komponente Naval ne’e basea ba Estatutu Militár foun

“Tanba ne’e maka horisehik ita hahú halo toma pose ba Komandante Komponente Terrestre, ohin ita kontinua halo pose ba Komandante Komponente Naval no orasida loraik ita kontinua toma pose ba Komandante Komponente Aero”, dehan Tenente Jenerál Falur Rate Laek.

Tanente Jenerál F-FDTL ne’e hatete, forsa Naval lijeira ne’e importante tebes oinsá atu asegura rikeza tasi laran.

” Tanba ne’e husu  Estadu presiza investe iha area komponente Naval ho fasil idade adekuandu nune’e bele asegura ita nian tasi ho di’ak”, Nia afirma.

Falur Rate Laek, hateten, iha lei sistema autoridade marítimu ezije Komandante Komponente Naval foun atu ezerse funsaun ida Komanda Komponente Naval no funsaun seluk maka Komanda Autoridade Marítimu tuir lei sistema Autoridade Marítimu.

 

“,Tanba ne’e maka husu Komandante Naval maski servisu ba oin todan atu oinsá kontrola tasi, maibé husu parte servisu hamutuk atu fó susesu ba servisu sira ne’e “, dehan lider Másimu F-FDTL ne’e”, nia dehan.

No More Posts Available.

No more pages to load.