Hetan Kilat Lolon 100 Iha Fronteira TL no Indonézia

by -3.032 views
Ida hosi kilat lolon 100 ho tipu AESE92 ne'ebé UPF foti hosi sidadaun Indonezia ne'ebé konsege lori tama mai. (Foto kontributor Timor Post)

(Jornalista Jaime Pires/Editor Suzana Cardoso)

DILI (Timor Post) – Tentara Nasional Indonezia (TNI) hetan kilat lolon 100 ho tipu AESE92 iha area fronteira terrestre entre Timor-Leste no Indonezia.

“Horisehik TNI hetan kilat lolon 100 iha fronteira entre Timor-Leste ho Indonézia. Kilat ne’e deskonfia ema atu lori tama mai Timor-Leste (TL) ho ilegalmente. Maibé ita nia maluk seguransa Indonézia konsege hetan no asegura ona kilat sira ne’e”, dehan Euclides.

Kilat lolon 100 ida ne’e deskunfia ida maka obriga aan lori tama mai Timor-Leste no konsege kaptura ona hosi UPF sira. Maibé ba kilat 100 ida ne’e hetan iha area Indonezia nian maka daudaun ne’e, TNI sira sei asegura hela iha Indonezia.

Iha parte seluk Euclides esplika, iha momentu ne’ebá Komandu Polísia Nasionál Timor-Leste (PNTL) liuhusi Unidade Patrullamentu Fronteira (UPF) postu Foholulik, intensifika nia area kobertura hodi halo patrulla lao ain no konsege kaptura sidadaun na’in ida ho naran inisial (SJ) husi Aldeia Foholulik, Suku Beiseuk, Postu-Administrativu Tilomar, Munisipiu Kovalima.

Komandante UPF, Superintendente Euclides Belo, deklara sidadaun ne’e UPF kaptura liuhusi operasaun rutina iha fronteira terrestre Timor-Leste ho Indonézia.

“Iha oras tuku lima loraik ne’e ita asegura sidadaun SJ no prende mos kilat anin ida ho marka AESE 92 hamutuk ho nia nain iha area Postu Administrativu Tilomar, tanba sidadaun ne’e kontra ona lei númeru 5/2017 kona-ba arma branka nian”, dehan Euclides Belo ba SRP via telefone, Sabadu ne’e.

Nia relata, nia membru sira halo ona identifikasaun no entrega ona sidadaun ne’e hamutuk ho objetu ne’ebe UPF prende ba Komandu PNTL Munisipiu Covalima hodi halo prosesu investigasaun hodi prosesa tuir lei.

“Ohin madrugada tuku 6 dader ne’e mos ami halo mos aprensaun ba sidadaun feto ida ho naran inisial (SNR) ho motorizada tula mos nia oan sei kik tanba lori tabaku sek bantal hamutuk 9”, dehan Nia bá jornalista liuhusi via telefone, Domingu (05/09).

Euclides relata, horiseik to’o ohin loron UPF kompanhia Bravo Covalima servisu koletivu halo nafatin patrulla kalan no loron hodi kontrola liña fronteira liu-liu hare ba sidadaun sira ne’ebe tama ilegal inklui sira ne’ebe halo transaksaun ilegal.(Lee notisia seluk iha Jornál Timor Post)

No More Posts Available.

No more pages to load.