Hetan Apoiu Rihun $231.750.00, SEJD sei Organiza Desportu Eskolar

by -243 views
Serimonia asina akordu iha Salaun Enkontru MAE. Foto TP: Mariano Do Santos

Jornalista Estajiáriu Mariano Do Santos / Editór Noémio Falcão

Dili (Timor Post)—Ministériu Edukasaun Juventude no Desportu (MEJD) liuhusi Sekretario Estadu Joventude no Desportu (SEJD) asina akordu ho Ministeriu Administrasaun Estatal(MAE) apoiu osan rihun $231.750.00 atu organiza programa desportiva eskolar iha nivel munisípiu.

Sekretáriu Estadu Abrão Saldanha haktuir, ho orsamentu ne’ebé iha sei realiza atividade desportu eskolar ho nivel ensinu básiku no sekundáriu, desportu komunitáriu no festival desportu munisipais no desportu tradisionais ne’ebé hakarak promove fali.

Nia hatutan ho fasilidades desportu ka akizasaun no fasilidades desportivas sira iha nivel komunitáriu bele sai hanesan kompeténsia ne’ebé servisu munisipál sira bele tau matan.

Serimónia asina akordu ne’e hala’o iha Salaun Enkontru MAE, Kolmera, Dili, Kinta(18/11/21).

Iha fatin hanesan, Ministru Administrasaun Estatal (MAE) Minguel Pereira de Carvalho apresia tebes ho kolaborasaun husi MEJD liuhusi SEJD hodi asina akordu interorganiku ba apoiu atividade deportivas.

“Ohin loron ami entidades governmental rua nee bele asina akordu interorganiku delegasaun de kompeténsia iha dominio de joventude Desportu”, Ministru Administrasaun Estatal dehan.

MAE akredita tan, tuir Dekreti lei 3/2016 ne’ebé mak deskonsentra ona ho kompeténsia lubun ida ba munsípiu sira iha dominio  juventude desportu hodi bele realiza bainhira iha ona akordu delegasaun kompeténsia sira.

“Ha’u kontente tebes tanba depois de tinan lima nia laran VIII Governu konstituisional intermus de governmental rua nee  konsege asina akordu interorganiku ida ne’ebé mak deskonsentra kompetensias husi governu sentral nian husi SEJD nian iha dominio joventude desportu ba administrasaun munisipál no autoridade munisipál sira atu bele realiza atividade Desportu eskolar,desportu komunitarias atividades joventude sira tanto iha postu administrativu no iha suku sira”, Nia tenik.

Entaun Minguel Pereira de Carvalho fiar ho asinatura akordu ne’e sei iha atividade juventude no desportu barak liu tanba papel governu sentral nian atu bele garante no melloria de prestasaun servisu publikus ba populsaun sira iha munisipiu no areas rurais.

Nunee ohin loron asina akordu interorganika nia implementantsaun hahu kedan depois de asina akordu.

No More Posts Available.

No more pages to load.