“Ha’u Fiar Xanana Sei Responde Ha’u Nia Karta”

by -1.009 views
Sekretariu Jeral Fretilin, Mari Alkatiri, kandidatu prezidente republika Francisco Guterres Lu Olo ho nia esposa, hafoin vota iha Sentru Votasaun Farol, Tersa ne'e, Imajen TP/Cesaltina ximenes

(Reportajen Cesaltina Ximenes/Editor Mateus da Cruz)

Dili— Sekretariu Jeral Partidu Politiku FRETILIN, Mari Bin Amude Alkatiri, hatete nia fiar Katak Kay Rala Xanana Gusmao, sei responde nia karta ne’ebé haruka ona ba Xanana foin lalais ne’e.

Alkatiri, dehan iha Karta nee derije ba Xanana no la’os Ramos Horta, tanba ne’e sei la presiza Ramos Horta.

“Ha’u la presiza Horta, ha’u hakarak Xanana, tanba ha’u nia Karta haruka ba Xanana, no Ha’u fiar Xanana sei responde ha’u nia karta,” Alkatiri deklara ba Jornalista hafoin Vota iha Farol, Tersa (19/04).

Nia afirma, kontiudo hosi Karta nee Laos lori Partidu nia naran ka lori asuntu seluk nia naran, maibe Karta nee nuudar sidadaun Ida neebe hakarak tut hamutuk kolia ba povu nia Moris ba Dezenvolvimentu.

Tanba nee eis primeiru ministru nee husu No fo tempu ba Xanana atu responde, tanba sei iha biban loron rua No tolu nia laran.

“Agora sei biban hela, falta loron rua ka tolu kedas, hau Espera nia hakarak,” dehan Tan.

Ikus nia dehan, nia la preokupa atu la manan ka manan, tanba fiar katak Kandidatura Numeru 2, Francisco Guterres Lú Olo, manan Nanis ona, tanba ne’e nia fiar sei iha dalan ba Dialogu ho Kay Rala Xanana Gusmão.(Lee notisia seluk iha Timor Post/Asesu You Tube Timor post)

No More Posts Available.

No more pages to load.