Harii Prezépiu Labele Okupa Estrada no Pasadeira

husi -41 views

Timor Post (22/11/2020)-Komandu Polisia Nasionál Timor-Leste Munisípiu Dili, liu hosi Segundu Komandante Polisia Superintendente Euclides Belo, alarma atu prezépiu halo labele okupa estrada no trotoar.

 “Fó hatene ba ita nia komunidade sira, liu-liu ba maluk Sarani Katólika hotu-hotu iha Dili, preparasaun ba Natal halo Prezépiu labele okupa estrada públiku, inklui pasadeira ka Trotoar”, avizu  Segundu Komandante, Polísia Munisípiu Dili, sesta, (20/11).

Komandante foin sa’e ne’e afirma kuandu sarani la kumpre, Komandu ho Dioseze Dili servisu hamutuk  sei muda tanba Trotoar  la’ós Prezépiu nia fatin maibé la’o ain fatin.

                “Prezépiu halo dook husi Estrada distánsia metru Lima ate metru sanulu”, subliña autoridade seguransa.(Jornalista : Julio Salinas Soares)