Hafoin husu CNRT Prepara-an, Xanana Orienta Trasa Mapeamentu Polítika no Hakat ba KN

by -182 views

Timor Post (23/12/2020)—Partidu Congressu Nasional Rekonstruksaun Timor Leste (CNRT), ohin, iha Hotel Novo Turizmu organiza reuniaun hodi deskuti kona-ba mapeamentu polítiku, proposta ba konferénsia sub-nasional, data no tema ba Konferénsia Nasional (KN).

Reuniaun ne’e hala’o tuir orientasaun Prezidente CNRT, Kayrala Xanana Gusmão.

CPN, CDN, Koordenador Munisípiu, Organizasaun OJP, KP, no OMP, Komisaun Juridisaun no Komisaun Fiskalizasaun marka mós prezensa.

Entretantu iha natal hamutuk Prezidente Partidu ho kuadru, militante no simpatejante sira iha Sede Nasional, iha semana kotuk, Xanana husu ba kuadru no militante tomak atu prepara-an konsolida partidu hodi hala’o misaun inklui defende konstituisaun RDTL.

Xanana dehan, selebrasaun natal no tinan foun ba tinan ida ne’e nu’udar oportunidade di’ak liu atu ema hotu-hotu iha partidu halo reflesaun ba ida-idak nia-an hodi nune’e ho fi’ar-an la’o ba oin.

Xanana husu mós ba estrutura, militantes no simpatejante sira atu lalika hanoin atu hakotu ho lalais kedas problema ida.

“Tanba ne’e ita fó hanoin nafatin, mai prepara-an konsolida partidu hodi bele hakbi’it-an atu defende no valoriza konstituisaun,” Xanana salienta. (cao)

No More Posts Available.

No more pages to load.