Hafoin Halo Aproximasaun, Koordenadór Fretilin Deklara Prontu ba Hatán

by -846 views
Komandante komandu polisía distritu Manufahi, superintendente, Joni Viana das Regras

(Reportajen Luis Casimiro/ Editor Mateus da Cruz)

MANUFAHI— Kazu impede militante CNRT, ne’ebé akontese Domingo (6/3), iha aldeia Carbulau, suku Holarua, Postu Administrativu Same villa, Munisípiu Manufahi, Koordenadór Fretilin Adriano Cortereal deklara prontu ba hatán.

Komandante Komandu Polisía Munisipiu Manufahi, Superintendente, Joni Viana das Regras, informa, hafoin parte polisia Manufahi halo aproximasaun ho kordenador Fretili, no nia (kordenador Fretilin) rekonese ida ne’e no deklara prontu atu ba hatán.

“Ho akontesementu ne’e ami halo aprosimasaun ba kazu ne’e no koordenador Fretilín Manufahi ne’e rekoñese saida mak nia halo no prontu atu hatán,” dehan, Joni ba jornalista iha nia kna’ar fatin, tersa (08/03).

Nia hatete, bainhira mosu krimi ka frauda eleitoral ne’e tenki iha keisa, maibé to’o ohin loron laiha keisa tama husi ema ruma, nune’e parte polisia submete ona kazu refere ba CNE.

Informasaun ne’ebé polisia rekolla hosi akontesementu espontaniamentu ne’e la’ós koordenador ho militantes Fretilin mak ba ataka militante partidu CNRT maibé koordenador mesak.

“Dadús ne’ebé ami rekolla, akontesementu ne’e akontese tanba militante partidu CNRT la respeitu kalendariu kampana ne’ebé Komisaun Nasionál Eleisaun (CNE) fó sai,” nia hatete.

“Ami rekolla informasaun seluk katak militante partidu CNRT hasai liafuan ba koordenador partisu Fretilin hodi dehan Fretilin la halo ho ida koordenador tun hosi nia kareta hapara no duni militantes partidu CNRT fila,” hatutan.

Tanba kalendáriu kampañia partidu CNRT sei halo kampana iha loron 7 fulan-Marsu maibé militante partidu CNRT halo uluk komboiu iha loron 6 ba aldeia Carbulau hodi simu kandidatura Jóse Ramos Horta ho komitiva iha ne’ebá.

Maski mosu desentedementu maibé la rezulta ema ruma kanek no kazu ne’e akontese espontaniamente de’it.

Asaun kordenador Fretilin nian haruka militantes CNRT ne’ebé prepara atu komboiu simu kandidatura José Ramos Horta atu fila tiha hetan preokupasaun hosi publiku hafoin video asaun ne’e viral iha midia sosial.(Lee notisia seluk iha jornal Timor Post/asesu youtube Timor Post)

No More Posts Available.

No more pages to load.