GTA Diskute Planu Pendente Kona-ba Insestu iha Timor Leste

by -70 views
Foto Mídia JSMP

DILI (Timor Post)-Iha loron 09 Agostu 2021, Frupu Traballu Advokasia  (GTA) ba asuntu insestu kontinua realiza enkontru hodi diskute no haree fali planu sira ne’ebé antes ne’e grupu ne’e halo ona, maibé la konsege realiza.

Komunikadu ba imprensa ne’ebe Timor Post asesu haktuir, GTA ba asuntu insestu durante ne’e labele halo enkontru tanba aplikasaun estadu emerjénsia serka sanitária no konfinamentu obrigatóriu,

Nune’e ho enkontru ne’e deside hamutuk atu iha tempu badak sei realiza atividade sira hanesan atualizasaun informasaun, dadus no deskobrimentu sira liuhusi televizaun no rádiu (rádiu komunidade) no sei prepara informasaun relasiona ho dadus sira kona-ba asuntu insestu ne’ebé regularmente sei atualiza ka públika liuhusi mídia sosiál, hanesan pájina facebook no jornal sira.

Grupu traballu advokasia ne’ebé partisipa iha enkontru ne’e mak hanesan: JSMP, ALFeLa, PRADET, Fokupers, ACBIT, Casa Vida, CODIVA, Mane ho Vizaun Foun (MHVF) no Fundasaun Alola. (*/teu)

No More Posts Available.

No more pages to load.