Governu Verifika Dadus Veteranu iha Manufahi

by -137 views
Tobias Amaral Magno. Foto TP/Luis Casmeiro Lopes

MANUFAHI (Timor Post)—Governu daualu liuhusi Ministériu Assuntu Kombatente Libertasaun Nassionál (MAKLN) halo verifikasaun ba dadus veternu tinan 2009 nian iha Munisípiu Manufahi.

“Ita hahú halo verifikasaun iha suku Fahinehan, Bubususu, Kaikasa, Fatukahi no suku Klakok, postu Fatuberlio,” Prezidente MAKLN, Tobias Amaral Magno alias Maksakor ba Timor Post iha nia kna’ar fatin, Tersa (03/08/2021).

Nia dehan, hafoin iha Postu Fatuberlio kontinua ba Alas no Postu Same villa.

“Ita halo verifikasaun bazeia ba númeru ne’ebé iha hanesan suku Fahinehan iha 787, Bubususu 330 total hamutuk 1.117 ne’ebé sei halo durante loron 23 hahú husi loron 03 fulan Agostu no sei remata iha loron 28 Agostu.

Nune’e, suku Kaikasa iha CLN na’in 182, suku Klakok 506 no suku Fatukahi iha 506 total hamutuk 1.194 ne’ebé sei halo verifikasaun durante loron 24 hahú husi loron 31 Agostu to’o 27/09/2021.

Suku Taituda iha 259, Aituha 195 no suku Mahaquidan iha 238 total hamutuk 692 ne’ebé sei halo verifikasaun durante loron 14 hahú husi loron 28/09 to’o 13/10/2021.

Suku Dotik iha CLN nain 45 no suku Uma Bereloik 97 total hamutuk 142 ne’ebé sei halo verifika durante loron 3 hahú husi 14/10 to’o 16/11/2021.

Ba suku Letefoho iha 346 no Holarua 622, Tutuluro 327 total hamutuk 1295 sei halo verifikasaum durante loron 26 hahú husi 18/10 to’o 19/11/2021.

Suku Babulo iha 205, Daisua 168 total hamutuk 373 sei halo verifikasaun durante loron 8 hahú husi 20/11 to’o 29/11/2021 no suku Grotu 209, Rotuto 173 total hamutuk 382 sei halo verifikasaun durante loron 8 hahú husi 30/11 to’o 10/12/2021 no suku Betano 305 sei verifika loron 7 hahú husi 11/12 to’o 18/12/2021. (lcl)

No More Posts Available.

No more pages to load.