Governu Tenke Fasilita Solár Panel

by -116 views
João de Oliveira. (Foto TP/Luis Lopes)

FATUKALO (Timor Post) Xefe aldeia Ermori, suku Fatukalo, postu administrativu, munisípiu Manufahi, João de Oliveira, husu oitavu governu konstitusionál atu apoiu uluk solar panel ba suku rurais ne’ebé susar asesu ba estrada.

“Ami aldeia Ermori ho aldeia Darufi, suku Fatukalo durante ne’e laiha eletrisidade ne’e duni ami husu oitavu governu atu atende uluk solar panel ba ami suku rurais”, dehan João ba Timor post iha Same, Kinta (22/07).

Tanba komunidade area rurais tempu kalan sunu de’it lilin tradisionál ne’ebé halo husi bani, maibé uza ba oras balun de’it no labele uza iha tempu naruk ninia laran.

“Ami presiza apoiu solar panel atu nune’e ami nia oan sira bele estuda iha tempu kalan tanba uza ahi oan kamii no lilin impaktu ba oan sira nia matan bainhira estuda iha tempu kalan “, dehan tan nia.

Xefe aldeia ne’e hatete, haree ba total uma kain 22 ho total populasaun 125 ne’ebé mak seidauk asesu ba dezenvolvimentu estrada no eletrisidade.

“Maski durante ne’e rekomenda ona lider partidu ne’ebé tama mai suku ho aldeia maibé to’o agora seidauk iha rezultadu no ba oin karik iha partidu balun ne’ebé atu kampaña lalika lori promesa falsu mai bosok povu “, katak tan.

Tuir observasaun Timor Post nota katak, suku Fatukalo iha aldeia Ermori ho Darrufu, aldeia rua ne’e ho total xefe família 108 ho total populasaun 564, ne’ebé nia komunidade seidauk asesu eletrisidade inklui mós estrada.(lcl)

No More Posts Available.

No more pages to load.