Governu Sentral Entrega hikas Responsabilidade Kontruksaun Ró Haksolok ba PA-RAEOA

by -160 views

Timor Post (08/07/2020)-Governu sentral liuhusi Konsellu Ministru aprova prozetu rezolusaun kona-ba halo trasferénsia responsabilidade konstruksaun Ró Haksolok ba Prezidente Autoridade Rejiaun Autónomu Espesiál Oekusi Ambeno (PA-RAEOA), Arsenio Bano.

Minstru Prezidensial Konsellu Ministru Fidelis Leite Magalhães haktuir, projeitu rejolusaun ne’e aprejenta husi Primeiru Ministru Taur Matan Ruak ho rajaun RAEOA ho nia autonomia ba patrimóniu, administrative no finanseiru.

“Pprojeitu rezulusaun governu ida ne’ebé mak aprezenta hosi Preimeiru Ministru kona-ba konkluzaun ba konstrusaun ba Ro Haksolok ne’ebé mak imi hotu hatene,” Fidelis haktuir ba Jornalista sira iha Palásiu Governu, Kuarta (08/07/2020).

Entretantu, hafoin eis Prezidente RAEOA Marí Alkatiri sai husi Oekusi, prosesu ba Ró Haksolok entrega tiha ba governu sentral, maibé ho desizaun ne’e Prezidente RAEOA atual Arsenio Bano maka toma konta fali.

Fidelis dehan, maske RAEOA maka toma responsabilidade ba prosesu ida ne’e maibé governu sentral kontinua akompaña.

Konstruksaun ba Ró Haksolok iha Alkatiri nia tempu paradu tanba problema finanseiru iha kompañia ne’ebé fábrika ró iha Portugál, inkuantu pagamentu hala’o tiha ona no Alkatiri rasik konvida Don Carlos Filipe Ximenes Belo ho Madre Gulhermina ba fó bensaun ona ró ne’e.

Relasiona ho prosesu ne’e, Bankada CNRT iha uma fukun Parlamentu Nasionál liuhusi deklarasaun polítika iha sesaun plenária konsidera Eis Prezidente RAEOA-ZEESM, Marí Bim Amude Alkatiri lohi Don Carlos Filipe Ximenes Belo ho Madre Gulhermina Marçal hodi fó bensaun ba Ró Haksolok, afinál ró ne’e nia prosesu konstruksaun to’o agora paradu hela.

“Ró-ahi Haksolok, to’o agora seidauk mai Timor-Leste, tanba Mari Alkatiri lohi Don Carlos no Madre Guilhermina hodi sai masin no fo bensaun ba besi mamuk ida,” Vise Prezidente Bankada CNRT, Patrocino Fernandes deklara iha loron Segunda (06/07/2020).

Jornalistá: Jaime Pires

No More Posts Available.

No more pages to load.