Governu Selu Tusan husi Telemor Depende ba Desizaun Tribunal

by -83 views

Timor Post (15/12/2020)- Vise-Ministru Interior Antonio Armindo hatete, Polisia Nasionál Timor-Leste (PNTL) iha dividas ho Telemor no EDTL  rihun $900. Maibé ba parte seluk PNTL selu ona exetu telemor tanba  kazu sei hosi tribunal.

“Dividas kuaze atu selu hotu ona hela de’it mak EDTL ho Telemor, ne’e purvolta besik Nove Centos Mill ($ 900.000) ida, inklui mós dividas sira seluk ki’ik sira ne’e. Maibé kona-ba Telemor ne’e agora entrega ona ba Ministériu Públiku hodi halo investigasaun ba kazu Telemor foin daudauk ne’e, depois desizaun iha tribunal dehan selu bele selu”, hatete Vise Ministru  iha Palasiu Governu, Tersa (15/12).

Vise Ministru hatete hatete jeralmente dividas PNTL ne’e kuaze atu selu hotu ona, hela  Telemor ho EDTL  ho tan sira seluk ne’ebé nia kustu ladún boot.

Entretantu Telemor inklui Elite Computer, Ministériu Públiku akuza ho krime burla informátika tanba fornese internet ilegálmente hosi satélite indonézia nian ho kapasidade 600MBS ba ministériu balun hodi hetan lukru.

Jornalista: Jaime Pires

Editór: Mariano Martins

No More Posts Available.

No more pages to load.