Governu Sei Lori Proposta Alterasaun Lei Pensaun Vitalísia ba PN Deskuti no Aprova

by -85 views

DILI–Hafoin governu daualu liuhusi Konsellu Ministru (KM) aprova proposta ba alterasaun dahuluk lei pensaun vitalísia liuliu ba titulár sira, órgaun ejekutivu ne’e sei submete ba Parlamentu Nasionál (PN) mak halo diskusaun no aprova hodi sai hanesan lei foun ida.

Proposta alterasaun ne’ebé KM aprova iha loron Kuarta (19/02/2020) ne’e prevee oinsá mak atu ajusta Rejime Pensaun Vitalísia ba Rejime Seguransa Sosiál, ne’ebé sei la elimina direitu ba ema ruma, liuliu ba órgaun titulár sira. Diploma ne’e aprezenta hosi Ministru Reforma Lejizlativa no Asuntu Parlamentár (MRLAP), Fidelis Manuel Leite Magalhães.

“Proposta ne’ebé aprezenta no hetan ona aprovasaun maka Rejime Jurídiku Seguransa Sosiál ba eis titulár iha órgaun soberania sira ka alterasaun ba Pensaun Vitalísia. Órgaun Soberania sira iha kondisaun igualdade, valorizadu ba karreira kontributiva titular,” haktuir MRLAP Fidelis hafoin reuniaun KM Palásiu Governu, Dili. (cao)

No More Posts Available.

No more pages to load.