Governu Sei Implementa Projetu Reabilitasaun Estrada Rural iha Munisípiu Lima

by -301 views
Ministru Obras Públika (MOP), Salvador Soares dos Reis Pires

(Reportajen Cesario Sousa/Editor Mateus da Cruz)

DILI—Ministru Obras Públika (MOP), Salvador Soares dos Reis Pires, hatete, governu asina ona kontratu ba projetu reabilitasaun estrada rural dezenvolvimentu ne’ebé sei implementa iha munisípiu lima hanesan Bobonaru, Baukau, Likisa, Covalima no Vikike. Projeitu ne’e sei hahú implementa tinan ne’e.

“Ohin asina kontratu ba projetu reabilitasaun 39 pakote ne’ebé husi pakote 66 husi ano fiskál 2021,”nia dehan

Nia hatete, tuir loloos iha pakote 66 ho montante orsamentu Millaun 15 USD, maibé ezekuta uluk pakote 39.

Husi pakote 39 ne’e ho kilómetru 132, nune’e husi 66 pakote ne’e total kilómetru 200-resin. Tanba ne’e, ho kontratu ne’ebé asina ohin ne’e empreza sira bele hahú  mobiliza ona ekipamentu ba area rural sira ne’e.

Nia dehan, projetu ne’e importante ba populasaun sira ne’ebé hela iha area rurál hodi nune’e bele fasilita sira hodi asesu ba merkadu no nesesidade urjente sira seluk.

MOP nafatin iha kooperasaun di’ak ho Ministériu Planu Ordenamentu (MPO) liuliu entidade tutela hanesan Ajénsia Dezenvolvimentu nasionál, Komisaun Nasionál Aprovizionamentu (CNA) no Konsellu Administrasaun Fundu Infraestrutura (KAFI).

Iha fatin hanesan, Embaixadór Australia, hahú iha Tinan 2012 ne’e Australia suporta ona projetu estrada rural dezenvolvimentu (ERD) hodi atinje rezultadu dezenvolvimentu kuaze kilómetru 700-resin.

“Australia orgullu tebes bele halo parseria hodi Timor Leste bele halo reabilitasaun ka manutensaun ba estrada rural ne’ebé importante tebes ba dezenvolvimentu sósiu ekonómiku ba komunidade,” hateten embaixadór Australia.

Nia dehan, Australia sempre iha asisténsia téknika no ajénsia internasionál ba traballadór ka ILO servisu atu suporta programa dezenvolvimentu ba Timor Leste.

Entretantu, kooperasaun ba projetu ne’e governu Timor Leste servisu hamutuk ho International Loubour organization (ILO) inklui embaixada Australia iha Timor Leste ne’ebé fó asisténsia téknika ba projetu refere.(jho)

No More Posts Available.

No more pages to load.