Governu Sei Estabelese Kuarentena Obrigatóriu iha Munisípiu Sia Hodi Asegura Sidadaun Sira Evakua husi Nasaun Afetadu

husi -6 views

DILI—Tuir planu ekipa interministerial sei halo levantamentu ba rezidénsia sira estudante Universidade Nasional Timor Lorosa’e (UNTL) iha munisípiu sira hanesan Aileu, Vikeke, Likisá, Ainaro, Suai, Lautem, Ermera, Manatuto no Manufahi, hodi estabelese kuarentena ba asegura sidadaun sira ne’ebé evakua husi nasaun afetadu sir aba virus corona (COVID-19).

Ministériu Saúde (MS) liuhosi Diretora Jerál Prestasaun Saúde (DGPS) Odete Viegas nu’udar Kordenadora Jerál Komisaun Nasional Responde Emerjensia COVID-19, asina ona asina akordu koperasaun ho reitór UNTL, Professor Doutor Francisco Miguel Martins, iha salaun enkotru UNTL, Dili, Sábadu (28/03/2020).

Komunikadu ne’ebé Timor Post asesu haktuir, akordu ne’e ko’alia kona-ba fatin hodi halo kuarentena obrigatóriu, ba sidadaun sira-ne’ebé mai hosi nasaun afetadu sira.

Fatin hirak-ne’e mak rezidensia estudante UNTL (Polo) nian iha munisipiu sira hanesan Aileu, Vikeke, Likisá, Ainaro, Suai, Lautem, Ermera, Manatuto no Manufahi.

Tempu badak ekipa sira sei halo levantamentu ba rezidensia sira-ne’e hodi kompleta fasilidade balun ba nesesidade kuarentena nian. (cao)