Governu sei Asina Akordu ho Aéro Qatar no Arabia

by -378 views
Fidelis Leite Magalhães

DILI (Timor Post)—Governu liuhusi reuniaun Konsellu Ministru delibera atu fó podér tomak ba Ministru Transporte no Komunikasaun (MTK), José Agostinho da Silva, atu asina akordu servisu aéro rua ho Emiradus Árabes Unidus no ho Qatár.
“Konsellu Ministru aprova proposta akordu servisu aéreu entre Timor-Leste ho país rua; Emiradus Árabes Unidus no ho Qatár,” Ministru Prezidénsia Konsellu Ministru, Fidelis Leite Magalhães, informa hafoin remata reuniaun Konsellu Ministru, iha Palásiu Governu, Kuarta (29/09).
Fidelis hateten, akordu sira-ne’e atu impulsiona konetividade entre Timor-Leste no país sira-seluk iha mundu, no permite atu kria kondisaun sira ba operasaun ligasaun aérea regulár sira iha país mak hanesan atu aumenta opsaun destinu sira.
Entretantu, antes ne’e mós, Konsellu Ministru atribui podér tomak ba Ministru Transporte no Komunikasaun, José Agostinho da Silva, hodi asinatura akordu servisu aéreu sira ho Brunei Darussalam. (jry)

No More Posts Available.

No more pages to load.