Governu Rekoñese Fator Tolu Hafraku Ezekusaun OJE 2021

by -395 views
Sara Lobo Brites. Foto TATOLI

Jornalista Jaime Pires / Editór Noémio Falcão

DILI (Timor Post)—Governu lideradu Primeiru Ministru Taur Matan Ruak rekoñese ezekusaun Orsamentu Jerál Estadu (OJE) 2021 kiik los tanba implikasaun husi aplikasaun sira ba prevensaun moras daet COVID-19.

Vise-Ministra Finansas, Sara Lobo Brites hatete, situasaun ne’e akontese tanba fator tolu inklui aplikasaun estadu emerjénsia, serka sanitária no konfinamentu obrigatóriu.

“Foin dadaun aprezenta iha Komité Revizaun Orsamental (KROP) hatudu katak, ezekusaun ba OJE 2021 pursentu ki’ik loos,” Sara ba jornalista sira iha Hotel Novu Turizmu hafoin lansamentu ba programa habelar unika nasionál Aswcuda Word ba Sekretáriu Estadu Meiu Ambiente, Kinta (30/09/2021).

Nia hatutan, ezekusaun kiik liu iha setor infraestrutura.

“Atrazu barak liu iha obras infraestrutura sira espera katak iha fulan Outubru ka fulan tolu ikus ne’e ita bele esforsu-an hodi bele halo ezekusaun ho másimu,” Sara subliña.

No More Posts Available.

No more pages to load.