Governu Planu Muda Eskola Finantil

by -62 views

Timor Post (06/10/2020)-Ministru Edukasaun Juventude no Desportu (MEJD) Armindo Maia hatete ministeriu iha planu atu muda eskola FINANTIL  inklui  eskola sira seluk tan ne’ebé mak sempre mosu problema.

 Ministru Edukasaun Armindo Maia, hato’o hodi hatán ba preokupasaun hosi  Deputada Bankada PD, Elvina de Carvalho Sousa,  ho problema ne’ebé dala barak sempre mosu entre estudante no estudante ho professor iha fatin refere.

“Ami iha hanoin ba eskola Finantil iha area ne’ebé mak risku ba problema ita hotu hatene ha’u hanoin ami propoin atu muda ba fatin seluk maibé ida ne’e sei estuda hela” hatete Ministru.

Nia hatutan tanba eskola ne’e iha komunidade nia leet ne’ebé mak kada tinan sempre mosu problema iha ne’ebá.

Enkuantu tuir observasaun  eskola sira sempre mosu problem mak, hanesan Eskola Sekundáriu 10 De Dezembru no mós eskola sekundáriu Finantil, ne’ebé lokaliza iha suku Fatuhada no Comoro postu adminsitrativu Dom Aleixo  munisípiu Dili.(Jornalista: Jaime Pires)

No More Posts Available.

No more pages to load.